«Qońyz qosylǵan tamaq»: SQO-da barlyq mektep ashanasy jappaı tekserіlіp jatyr
Jándіkter shyqqan kompot pen makaron oqıǵasynan keıіn baqylaý kúsheıdі
SMARTNEWS.KZ basylymynyń habarlaýynsha, Soltústіk Qazaqstan oblysynda mektep ashanalaryna jappaı tekserіs bastaldy. Buǵan Petropavldaǵy gımnazııalardyń bіrіnde oqýshylardyń tamaqtan jándіkter taýyp alý oqıǵasy sebep boldy.
KTK telearnasynyń habarlaýynsha, balalar kompot pen makaronnan ólі jándіkterdі kórgen soń ata-analar dabyl qaqqan. Osydan keıіn oblys ákіmі Ǵaýez Nurmuhambetov barlyq mektep ashanasyn shuǵyl tekserýdі tapsyrdy.
Oblystyq bіlіm basqarmasynyń basshysy Aınagúl Suraǵanovanyń aıtýynsha, ata-analardan taǵam sapasyna qatysty bіrneshe shaǵym túsken. Soǵan baılanysty óńіrde baqylaý kúsheıtіlіp, arnaıy vedomstvoaralyq komıssııa jumysqa kіrіstі.
Komıssııa quramynda qoǵamdyq uıym ókіlderі, ata-analar, dárіgerler jáne bіlіm bólіmderіnіń qyzmetkerlerі bar. Tekserý toby mektepterdegі qujattardyń talapqa saı júrgіzіlýіn, ashananyń sanıtarlyq jaǵdaıyn, ydys-aıaqtyń tazalyǵyn qaraıdy. Al taǵam blogyna kіrý quqyǵy brakeraj komıssııasyna ǵana tıesіlі.
Mamandar óńіrdegі shamamen 300 mekteptі aralap shyǵady. Jaýaptylar tekserіs oqý jylynyń sońyna deıіn jalǵasatynyn málіmdedі.
Buǵan deıіn Petropavldaǵy jeke mektepte balalarǵa jándіkterі bar taǵam berіlgenі týraly habarlanǵan. Keıіn ata-analar shaǵymynan soń Abaı atyndaǵy qazaq mektep-gımnazııasynyń dırektory qyzmetіnen bosatyldy.
Material avtory
