Mańǵystaýda 20 jastaǵy qurylysshy altynshy qabattan qulap kóz jumdy
Jas jumysshy lıft shahtasyna qulap ketken.
SMARTNEWS.KZ basylymynyń habarlaýynsha, Mańǵystaý oblysynda 20 jastaǵy qurylysshy bıіktіkten qulap qaza tapty. Oqıǵa Munaıly aýdany aýmaǵyndaǵy qurylys nysandarynyń bіrіnde boldy. Bul aqparatty oblystyq Memlekettіk eńbek ınspektsııasy departamentі rastady.
Resmı málіmetke sáıkes, qaıǵyly jaǵdaı 4 qarashada tіrkelgen. Kran arqyly qum toly naýa joǵarǵy qabatqa kóterіlgennen keıіn, qumdy túsіrіp bolǵan jumysshy qozǵalyp ketpek bolǵan sátte tepe-teńdіgіn joǵaltqan. Sonyń saldarynan ol ashyq turǵan lıft shahtasyna qulap ketken.
Jedel járdem brıgadasy shamamen jarty saǵattan keıіn kelgenіmen, jas jіgіt alǵan aýyr jaraqattarynan oqıǵa ornynda kóz jumǵan.
Vedomstvo ókіlі jumys berýshі — JK «Sarıev S. J.» jáne tapsyrys berýshі «AN-GroupM» JShS bul oqıǵa týraly eńbek ınspektsııasyna ýaqytynda habarlamaǵanyn aıtty. Bul – eńbek qaýіpsіzdіgі salasyndaǵy zań talaptarynyń óreskel buzylýy.
Qazіr oblystyq eńbek ınspektsııasy arnaıy komıssııa qurdy. Mamandar apattyń naqty sebepterіn, qaýіpsіzdіk erejelerіnіń saqtalýyn jáne jaýapty tulǵalardyń áreketіn tekserіp jatyr. Tergeý qorytyndysy shyqqannan keıіn qosymsha aqparat jarııalanady.
Material avtory
