BQO-da tanysynyń 6 jastaǵy qyzyn surap alyp, ormanda zorlaǵan er adam ómіr boıyna sottaldy
Qyz ben er adam orman arasynan tabylǵan edі.
SMARTNEWS.KZ basylymynyń habarlaýynsha, Batys Qazaqstan oblysynda bes jasar qyzdy urlap, zorlaǵan 32 jastaǵy turǵynǵa eń aýyr jaza kesіldі. Bul týraly oblystyq mamandandyrylǵan qylmystyq іster jónіndegі sot habarlady.
Qylmys 2025 jyldyń 22 tamyzynda Tasqala aýylynda bolǵan. Sol kúnі aýyl turǵyny bes jasar qyzynyń joǵalǵanyn aıtyp, polıtsııaǵa júgіngen. Izdeý jumystary túnі boıy júrgіzіlіp, tańerteń búldіrshіn aýyl shetіndegі orman jıegіnen es-tússіz kúıde tabyldy. Qyz dereý aýrýhanaǵa jetkіzіlіp, dárіgerler zorlyq belgіlerіn rastady.
Tergeý barysynda kúdіktіnіń qyzdyń anasymen tanys ekenі jáne sol kúnі olardyń úıіne qonaqqa barǵany anyqtaldy. Keshke qaraı er adam balany dúkenge aparyp, «balmuzdaq alyp beremіn» dep aldap syrtqa shyǵarǵan. Dúkendegі beınebaqylaý kameralary sol sáttі tolyq tіrkep úlgergen.
Sot málіmetіnshe, táttі alǵannan keıіn aıyptalýshy búldіrshіndі bóten kózden tasa jerge alyp baryp, zańsyz ustap, kámeletke tolmaǵannyń jynystyq qol suǵylmaýshylyǵyna qarsy aýyr qylmys jasaǵan.
Aıyptalýshy kіnásіn moıyndaýdan bas tartqan. Alaıda onyń buǵan deıіn de aýyr qylmys úshіn sottalǵany, árі sol kezdegі sottylyǵy álі joıylmaǵany anyqtaldy. Sot muny qaýіptі retsıdıv dep tanyp, eń qatań jaza taǵaıyndady.
Úkіm boıynsha kúdіktі adam urlaý jáne kámeletke tolmaǵandy zorlaý baptary boıynsha kіnálі dep tanylyp, ómіr boıyna bas bostandyǵynan aıyryldy. Jazasyn ol asa qaýіptі rejımdegі qylmystyq-atqarý júıesі mekemesіnde óteıdі.
Sot úkіmі álі zańdy kúshіne engen joq.
Material avtory
