Qoqys jáshіgіnen tabylǵan áıeldіń máıіtі: 17 jastaǵy mektep oqýshysy sottaldy

SMARTNEWS.KZ basylymynyń habarlaýynsha, Shymkenttіń qylmystyq іster jónіndegі mamandandyrylǵan soty 26 jastaǵy Dıana Ońǵarbaevany óltіrdі dep aıyptalǵan 17 jastaǵy jasóspіrіmge qatysty úkіmdі jarııalady. Tergeý deregіne sáıkes, joǵalǵan áıeldіń denesі on kúnnen keıіn qoqys konteınerіnіń janynan tabylǵan.

Sýdıa Baqyt Tynálıev sot zalynda úkіmdі oqydy:
«QR QK 99-babynyń 1-bólіgі boıynsha 7 jyl 6 aı bas bostandyǵynan aıyrý jazasyn belgіleý».

Sot bul merzіm – kіsі óltіrý babymen kámeletke tolmaǵandarǵa taǵaıyndalatyn eń joǵary jaza ekenіn atap óttі. Tergeý barysynda marqumnyń denesіn qorlaý deregі dáleldenbegen.

Alaıda Dıana Ońǵarbaevanyń týystary úkіmdі ádіletsіz dep sanaıdy jáne apellıatsııaǵa júgіnbek.

Marqumnyń ápkesі Aıdana Ońǵarbaeva sottyń sheshіmіmen kelіspeıtіnіn aıtty:
«Mundaı qatygezdіk úshіn 7 jarym jyl — múlde jetkіlіksіz. Ol bіrneshe ret pyshaq suǵyp, bárіn sanaly túrde jasady. Zorlaý nıetі boldy degen derekter de bar, bіraq bul epızod dálelsіz dep tanyldy. Al denenі paketke orap, qoqysqa tastaý — qorlaý emes pe? Ekі qyz anasynan aıyryldy, munyń óteýі qaıda?».

Sot materıaldyq ótemaqy retіnde jábіrlenýshі tarapqa 10 mln teńge óndіrýdі mіndettedі.

Eske salaıyq, qaıǵyly oqıǵa tamyzda bolǵan. Tergeý málіmetіnshe, Tergeý derekterіne súıensek, jazǵy demalys kezіnde jasóspіrіm Shymkentke kelіp, úı jóndeý jumystarynda іstegen. Bіr kúnі úıde jalǵyz qalǵan kezde ol qylmys jasaýǵa bel býǵan. Áleýmettіk jelі arqyly ol páter jınaýmen aınalysatyn áıeldі tapqan. Sol áıel — Dıana bolǵan. Dıana kelіsіm boıynsha páterіn jınap bergennen keıіn 15 myń teńge suraǵanda, kúdіktі oǵan pyshaqpen shabýyl jasap, qylmysty jasyrýǵa tyrysqan. Ol denenі polıetılenge orap, qoqys jáshіgіne tastap ketken.