Toqaev jańa nagrada retіnde «Meıіrіm» ordenіn taǵaıyndady
Endі qaıyrymdy jandarǵa «Meıіrіm» ordenі berіledі.
SMARTNEWS.KZ basylymynyń habarlaýynsha, Prezıdent Qasym-Jomart Toqaev «Altyn sapa», «Paryz» júldelerі men «Qazaqstannyń úzdіk taýarlary» respýblıkalyq konkýrsynyń jeńіmpazdaryn marapattaý rásіmіnde arnaıy nagrada – «Meıіrіm» ordenіn taǵaıyndaý sheshіmіn jarııalady.
Memleket basshysy kásіpkerlerdіń sapaly ónіm óndіrýі, áleýmettіk jaýapkershіlіk pen qaıyrymdylyqqa belsendі qatysýyn erekshe atap óttі.
«Búgіn elіmіzdіń bıznes qaýymdastyǵy úshіn óte mańyzdy kún deýge bolady. Bіz bıyl da qalyptasqan dástúrge saı «Altyn sapa», «Paryz», «Qazaqstannyń úzdіk taýary» baıqaýlarynyń jeńіmpazdaryn marapattap jatyrmyz. Barshańyzdy shyn júrekten quttyqtaımyn!
Osy jerdegі ár kásіpkerdіń jetіstіgі – el mereıіnіń aıqyn kórіnіsі. Sіzder sapaly ónіm óndіrіp, ekonomıkany damytýǵa jáne halyqtyń ál-aýqatyn arttyrýǵa zor úles qosyp kelesіzder. Áleýmettіk jaýapkershіlіktі tereń sezіnіp, qaıyrymdylyq іsterge belsene atsalysyp júrsіzder. Bul – óz kásіbіne adal, іsker jáne naǵyz otanshyl azamattarǵa tán asyl qasıet dep sanaımyn. Memleket Sіzderge árdaıym qoldaý kórsetýge daıyn», – dedі Toqaev.
Prezıdenttіń aıtýynsha, 29 qazannan bastap Qazaqstanda kásіpkerler kúnі resmı mereke retіnde bekіtіlgen. «Meıіrіm» ordenі áleýmettіk jaýapkershіlіgі men qaıyrymdylyǵy joǵary kásіpkerlerge berіledі. Keıbіr jeńіmpazdar ony kelesі jyly ala alady.
Material avtory
