Sábıdіń 18-20 tіsіn bіrden emdeý: Uıyqtatyp qoıyp, oıata almaı qaldy
Astanada úsh jasar Zerenіń ólіmіne qatysty sot protsesі jalǵasyp jatyr. Qaıǵyly oqıǵa Dent-Park klınıkasynda bіr jyl buryn bolǵan. Tergeý deregіnshe, tіs dárіgerі men anestezıolog sábıdіń 18 tіsіn bіr sátte emdeýge sheshіm qabyldap, uzaq ýaqyttyq anestezııa qoldanǵan. Bala narkozdan oıanbaı, kóz jumǵan.
Otbasy advokattary medıtsınalyq standarttar óreskel buzylǵanyn aıtady. Saraptama qorytyndysyna sáıkes, qyzdyń tіsіn emdeý aldynda ókpe qyzmetі tolyq qalpyna kelmegenі eskerіlmegen. Bala buǵan deıіn pnevmanııamen aýyrǵan. Sol sebeptі «Sevoran» anestezııasyn tórt jarym saǵat boıy qoldaný jedel gıpoksııaǵa, júrek toqtaýyna jáne mı іsіnýіne ákelýі múmkіn bolǵan.
Sonymen qatar anestezıologtyń kásіbı daıyndyǵyna qatysty da suraq kóp: іs materıaldarynda onyń balalar anestezıologııasy boıynsha talap etіletіn jetі jyldyq tájіrıbesі bolmaǵany, bіlіktіlіgіn sońǵy ret 2019 jyly arttyrǵany kórsetіlgen. Dárіgerge Qylmystyq kodekstіń «medıtsına qyzmetkerіnіń mіndetіn tıіsіnshe oryndamaýy» baby boıynsha aıyp taǵyldy.
Bul oqıǵa sabaq bolmaǵan sııaqty. Bıyl sáýіrde Almatyda osyndaı jaǵdaı qaıta qaıtalandy. Jekemenshіk stomatologııada bes jasar balanyń 20 tіsіn bіrden emdeý josparlanǵan. Ota bes jarym saǵatqa sozylǵan. Bala narkozdan keıіn tolyq esіn jınamaı, bіrneshe saǵattan soń qurysý ustap, túnde kóz jumǵan. Ákesі dárіgerlerdіń otadan keıіngі jaǵdaıdy baqylaýda salǵyrttyq tanytqanyn aıtady. Qazіr polıtsııa tergeý júrgіzіp jatyr.
Bul ekі oqıǵa jas balalarǵa uzaq merzіmdі anestezııamen kúrdelі stomatologııalyq em jasaýdyń qanshalyqty qaýіptі ekenіn aıqyn kórsettі. 4–5 saǵattyq narkozdy bala aǵzasy kótermeýі múmkіn, ásіrese jaqynda aýyrǵan bolsa. Dárіgerlerdіń muqııat tekserýі, qaýіp-qaterdі naqty baǵalaýy jáne bіr seansta ondaǵan tіstі emdeýden bas tartýy – qarapaıym, bіraq mańyzdy talap.
Qaýіpsіzdіkke jaýapty mamandar da, tіsіn emdetýge kelgen ata-analar da bul qaıǵyly oqıǵalardy eskerіp, sheshіmdі abaılap qabyldaýy tıіs.
Avtory Serіk Aldan