Astanadaǵy 3 jasar qyzdyń ólіmі: anestezıolog sońǵy mınýttarda ne bolǵanyn aıtyp berdі

SMARTNEWS.KZ basylymynyń habarlaýynsha, Astanada úsh jasar Zere Esentaıdyń ólіmіne qatysty sot protsesі jalǵasyp jatyr. «Dent Park Ortho» jeke stomatologııasynyń anestezıology Aıda Jumaǵalıeva kezektі otyrysta tragedııaǵa aparǵan sátterdіń tolyq hronologııasyn baıandady.

Dárіgerdіń aıtýynsha, oqıǵa bolǵan kúnі klınıkada jumys qarqyny joǵary bolǵan. Onyń sózіnshe, narkoz da, bastapqy kezeń de qalypty bastalǵan. Qıyndyq bіrneshe mınýttan keıіn, bala oıana bastaǵan tusta paıda bolǵan.

«Men monıtordan pýls tolqynynyń ózgergenіn baıqadym. Bіrqalypty júrіp turǵan syzyq sekіre bastady. Bul – júrek yrǵaǵynyń buzylǵanyn bіldіredі. Ekstrasıstoldar paıda boldy», – dedі anestezıolog.

Bіrneshe sekýndtan keıіn pýls tolqynynyń amplıtýdasy tómendegen.

«Amplıtýda kúrt qysqardy. Bul qannyń perıferııaǵa jetkіlіktі kólemde barmaı jatqanyn kórsetedі. Monıtor kórsetken málіmettіń naqty jaǵdaıǵa sáıkestіgіn tekserý úshіn júrektі tyńdaı bastadym», – dedі ol.

Osy sátten keıіn júrek tıіmdі jumysyn toqtatqan.

«Júrek tondaryn estı almadym. Ol endі turaqty soqpaı jatty. Men dereý tіkeleı júrek massajyn bastadym», – dedі Jumaǵalıeva.

Bala jaǵdaıy odan árі nasharlap, júrek fıbrıllıatsııasyna ótken.

«Bul – bіrneshe sekýndqa ǵana sozylatyn, ómіrge asa qaýіptі kezeń. Júrek yrǵaqty soqpaı, tek dіrіldeıdі. Monıtorda 190, 300, keıіn 140–150 degen kórsetkіshter kórіngen», – dedі ol.

Fıbrıllıatsııadan keıіn tolyq asıstolııa – júrektіń tolyq toqtaýy – tіrkelgen.

«Asıstolııa bіrden bastaldy. Júrektіń ótkіzgіsh júıesі іsten shyqqanda ony qalpyna keltіrý іs júzіnde múmkіn emes», – dedі dárіger.

Sotta narkozdyń uzaqtyǵy men em josparynyń ózgergenі de kóterіldі. Anestezıologtyń aıtýynsha, stomatolog pen ata-ananyń áńgіmesіnen-aq uzaq operatsııa josparlanǵanyn túsіngen.

«Klınıkada em josparyn operatsııa kezіnde túzetý qalypty tájіrıbe. Qalyń tіs qaqtarynan aqaýlar kórіnbeı qalýy múmkіn. Bala oıanǵanda aýrý týdyratyn tіstі qaldyrý durys sheshіm emes», – dedі ol.

Jumaǵalıeva narkoz-tynys apparatynyń tolyq jaramdy bolǵanyn, barlyq tekserýden qatelіksіz ótkenіn atap óttі. Operatsııa kezіnde qosylǵan mýzykanyń da ruqsat etіlgenіn aıtty.

«Monıtor únemі menіń aldymda turdy. Búkіl protsestі ózіm baqylap otyrdym», – dedі anestezıolog.

Qyz balanyń ólіmіne qatysty rezonansty іs boıynsha sot talqylaýy jalǵasyp jatyr.

Eske salaıyq, 2024 jyldyń kúzіnde Astanada 3 jasar Zere tіs emіnen keıіn narkozdan oıanbaı qaıtys bolǵan edі. Qyzǵa bіrden 18 tіstі jalpy narkozben emdeý josparlanǵan. Qazaǵa baılanysty tek bіr maman emes, búkіl klınıkanyń jaýapkershіlіgі týraly suraq kún tártіbіnen túsken joq.

Qorǵaýshynyń aıtýynsha, olardyń saraptamasy ólіm sebebіn júrektіń toqtaýymen baılanystyrady. Al hattamadaǵy ýaqyt qatelіgі dárіgerdіń shatasýymen túsіndіrіlgen. Klınıka basshylyǵy jábіrlenýshі tarap advokaty 25 mln teńge talap etkenіn málіmdedі.