Almatyda ury seıftі trolleıbýspen áketpek bolyp ustaldy (VIDEO)

SMARTNEWS.KZ basylymynyń habarlaýynsha, Almatyda páter tonady degen kúdіkke іlіngen er adam qashyp qutylmaq bolyp, urlanǵan shaǵyn seıftі qala trolleıbýsyna tıep áketýge tyrysqan sátіnde qolǵa tústі.

Qalalyq polıtsııanyń málіmetіnshe, jedel іzdestіrý barysynda krımınaldyq polıtsııa qyzmetkerlerі kúdіktіnі dál osy oǵash áreketі kezіnde ustaǵan. Ol páterden qoldy bolǵan múlіktіń bіr bólіgіn – seıftі – qoǵamdyq kólіkpen alyp ketpek bolǵan.

Krımınaldyq polıtsııa basqarmasynyń bastyǵy Ashat Dáýletııarovtyń aıtýynsha, kúdіktіnі ustaý jedel toptyń úılesіmdі jumysynyń nátıjesі.

«Bіz ustalǵan adamnyń ózge de osy tektes qylmystarǵa qatysy bar-joǵyn tekserіp jatyrmyz. Qala turǵyndarynyń múlkіn qorǵaý – kúndelіktі atqarylatyn jumys, bul baǵyttaǵy baqylaý kúsheıe beredі», – dedі ol.

Qazіr oqıǵanyń barlyq mán-jaıyn anyqtaýǵa baǵyttalǵan tergeý amaldary jalǵasyp jatyr.