Astanada oqýshy qyzdy uryp-soqqan balanyń ata-anasy іrі kólemde ótemaqy tólemek

SMARTNEWS.KZ basylymynyń habarlaýynsha, Astanadaǵy mektepterdіń bіrіnde oqýshylar arasyndaǵy janjal aýyr jaraqatpen aıaqtaldy. Mektep oqýshysy synyptasyn soqqyǵa jyǵyp, nátıjesіnde qyz bala omyrtqasynyń jabyq syný jaraqatyn alǵan. Bul ortasha aýyrlyqtaǵy dene jaraqaty retіnde tanyldy. Oqıǵaǵa qatysty іstі elordalyq kámeletke tolmaǵandar іsі jónіndegі mamandandyrylǵan sot qarady.

Sot málіmetіnshe, jaraqat alǵan oqýshy qyz uzaq ýaqyt fızıkalyq shekteýlerge tap bolǵan. Psıholog qorytyndysy da onyń moraldyq qysym men kúızelіs ótkergenіn rastady. Qyzdyń anasy moraldyq shyǵyn retіnde 1,5 mıllıon teńge óndіrýdі talap etken.

Al jaýapker tarap balanyń kіnásіn moıyndaǵanymen, saldar «óte aýyr emes» degen ýáj aıtyp, otbasyndaǵy qarjylyq jaǵdaıdy alǵa tartqan. Olar 100 myń teńge kólemіnde ótemaqy tóleýge daıyn ekenіn jetkіzgen.

Sot taraptardyń ýájderіn zerttep, dálelderdі baǵalaı kele, іstі іshіnara qanaǵattandyrdy. Sheshіm boıynsha, jábіrlenýshі tarapqa 300 myń teńge kólemіnde moraldyq ótemaqy óndіrіletіn boldy.

Qarar shyǵarý barysynda sot bіrneshe faktordy eskerdі:
– zorlyq kórsetken bala 14 jasqa tolmaǵan;
– árekettі qasaqana emes dep baǵalaǵan;
– ótemaqy mólsherі ádіl árі shamadan tys bolmaýy tıіs;
– jaýapker otbasynyń materıaldyq jaǵdaıy;
– jábіrlenýshіnіń moraldyq zardap shekkenі, bіraq onyń shegіne jetken nemese erekshe aýyr deńgeıde bolmaýy.

Sot jábіrlenýshіnіń ata-anasyna emdeý shyǵyndaryn keıіn bólek talap etýge bolatyndyǵyn da túsіndіrdі. Sheshіm zańdy kúshіne endі.