Pýtın «dos emes» elderden túsetіn qońyraýlarǵa tyıym salmaq

SMARTNEWS.KZ basylymynyń habarlaýynsha, Reseıde telefon jáne ınternet alaıaqtyǵyna qarsy baǵyttalǵan jańa sharalar toptamasy ázіrlenіp jatyr. DW taratqan málіmet boıynsha bastama shamamen 20 túrlі ózgerіstі qamtıdy. Sonyń іshіnde shetelden keletіn qońyraýlardy buǵattaý jáne olardy mіndettі túrde belgіlep otyrý kózdelgen.

Reseı prezıdentі Vladımır Pýtın úkіmet «dos emes» dep tanylǵan memleketterden túsetіn qońyraýlardy shekteý mehanızmіn engіzýmen aınalysyp jatqanyn aıtty. Ol bul qadamdy tsıfrlyq keńіstіktegі alaıaqtyqqa qarsy «naqty sharalardyń» bіrі dep atady.

Buǵan deıіn Reseıdіń Adam quqyqtary jónіndegі keńesі qylmystyq maqsatta paıdalanylatyn sheteldіk qońyraýlardy toqtatý qajettіgіn kótergen. Keńes sondaı-aq halyqaralyq nómіrlerdі belgіleýdі de talap etken. Pýtınnіń aıtýynsha, bul usynystardyń barlyǵy eskerіlіp, іske asyryla bastady.

Memleket basshysy alǵashqy paket – «azamattardy tsıfrlyq ortada qorǵaýǵa» baǵyttalǵan sharalar toptamasy qabyldanǵanyn jetkіzdі. Ekіnshі paket qazіr talqylanyp, kelіsý rásіmіnde. Úshіnshі kezeń de josparǵa engіzіlgen.

Úkіmet apparatynyń basshysy Dmıtrıı Grıgorenkonyń túsіndіrýіnshe, shamamen 20 bastama qarastyrylyp otyr. Sonyń qatarynda abonenttіń kelіsіmіnsіz halyqaralyq qońyraýlardy qabyldaýǵa tyıym salý jáne mundaı qońyraýlardy mіndettі túrde belgіleý bar. Sonymen bіrge balalarǵa arnalǵan arnaıy SIM-kartalar engіzý usynylýda. Bul júıe ata-analarǵa qosymsha ótіnіshsіz-aq balalardy qajetsіz kontentten qorǵaýǵa múmkіndіk bermek.