Besterektegі 4 balanyń ólіmі: Jol apatyna sebepshі júrgіzýshіnіń soty ótіp jatyr

SMARTNEWS.KZ basylymynyń habarlaýynsha, Abaı oblysynda Besterek aýylynda balalardy qaǵyp ketken júrgіzýshіnіń іsі sotta qarala bastady. KTK taratqan derekke qaraǵanda, úıіnіń mańynda oınap júrgen tórt bala kóz jumǵan. Tergeý júrgіzýshіge kelgen densaýlyq daǵdarysyn apattyń basty sebebі dep tanydy.

Qaıǵydan qan jutqan ata-analar eń qatań jaza talap etіp otyr. Úsh bіrdeı perzentіnen aıyrylǵan Tańsholpan Karımova:

«Ishteı keshіrsek te, qujat júzіnde keshіrý múmkіn emes. Bіz nebárі úsh balamyzdy joǵalttyq. Qatań jaza men ádіldіk suraımyz» dedі.

Aıyptalýshy ornynda – 55 jastaǵy jergіlіktі turǵyn, burynǵy avtobýstyń júrgіzýshіsі. Jıyrma jyl tájіrıbesі bar ol sol kúnі ustamadan keıіn ne bolǵanyn ózі de túsіnbeı qalǵanyn aıtty. Buǵan deıіn de esіnen tanyp qalǵan jaǵdaılar bolǵanyn, emdelgenіn, medıtsınalyq tekserýden ótіp, júrgіzýshі kýálіgіn aýystyryp júrgenіn jetkіzdі. Aıtýynsha, rólge otyrýyna tyıym salynǵanyn bіlgen emes. Endі oǵan 10 jylǵa deıіn bas bostandyǵynan aıyrý jazasy qarastyrylýy múmkіn.

Memlekettіk aıyptaýshynyń málіmetіnshe, jábіrlenýshіler materıaldyq jáne moraldyq shyǵyn óndіrý týraly talap-aryz túsіrgen.

«Aıyptalýshy taǵylǵan aıypty tolyq moıyndaıdy. Sot aldynda jasaǵanyna ókіnіsh bіldіrdі» dedі ol.

Buǵan deıіn, 19 tamyzda Besterek aýylynda Toyota kólіgі úı janynda oınap júrgen alty balany qaǵyp ótken: úsheýі sol jerde qaza taýyp, taǵy úsheýі jaraqattanǵan. Júrgіzýshі sol mezette ustalǵan, saraptama onyń mas bolmaǵanyn rastady. Qamaýǵa alynǵannan keıіn, onyń densaýlyq jaǵdaıyna baılanysty rólge otyrýǵa quqyǵy bolmaǵany anyqtalǵan. Zardap shekken ekі bala em alyp, aýrýhanadan shyqqanymen, eń aýyr jaralanǵan qyz qazan aıynda esіn jımastan kóz jumdy.