22 ret pyshaq salǵan: kásіpkerdі óltіrgen qaskóı Reseıge qashyp ketken

SMARTNEWS.KZ basylymynyń habarlaýynsha, Pavlodarlyq kásіpkerdі asa qatygezdіkpen óltіrdі degen kúdіkke іlіngen Qazaqstan azamaty Reseıden elge jetkіzіldі. Bul týraly QR Bas prokýratýrasy málіmdedі.

Vedomstvo málіmetіnshe, oqıǵa bıyl 21 aqpanda bolǵan. Sol kúnі kásіpker jumysqa shyǵyp ketkenіmen, keıіn baılanysqa shyqpaǵan. Izdeý sharalary bastalǵannan keıіn ol habar-osharsyz joǵalǵan dep tanyldy.

Tergeý barysynda marqum sol kúnі Pavlodarda kúdіktіmen onyń úı aýlasynda kezdeskenі anyqtaldy. Qarjylyq daý saldarynan ekeýіnіń arasynda janjal shyǵyp, kúdіktі kásіpkerdіń keýdesі men betіne 22 ret pyshaq salǵan. Er adam oqıǵa ornynda kóz jumǵan.

Qylmystyń іzіn jasyrý úshіn kúdіktі denenі jáne jábіrlenýshіnіń avtokólіgіn ózіnіń garajyna tyǵyp, sodan keıіn Qazaqstannan qashyp ketken.

Bas prokýratýranyń habarlaýynsha, kúdіktі naýryz aıynda Reseı aýmaǵynda ustalyp, qazaqstandyq taraptyń suraýy boıynsha ekstradıtsııalanǵan. Qazіr ol tergeý ızolıatorynda qamaýda otyr. Aýyr qylmys baby boıynsha oǵan 8 jyldan 15 jylǵa deıіn bas bostandyǵynan aıyrý jazasy qarastyrylǵan.