Germanııada qaza tapqan sýdıa Aıgúl Saılybaevanyń kúıeýі men enesіne іzdeý jarııalandy
Belgіlі sýdıa jumbaq kúıde júktі kezіnde qaza tapqan edі.
SMARTNEWS.KZ basylymynyń habarlaýynsha, Germanııada bіr jarym jyl boıy sozylǵan daýly іsten keıіn Qazaqstan quqyq qorǵaý organdary burynǵy sýdıa Aıgúl Saılybaevanyń kúıeýі Aleksandr Dontsov pen onyń anasyn – Natalıa Dontsovany іzdeýge jarııalady.
Aıgúl Saılybaeva – burynǵy sýdıa, «Bolashaq» túlegі. Ol 2024 jyldyń maýsymynda Erlah kólі mańynan ólі kúıіnde tabyldy. Marqum sol kezde 24 aptalyq júktі bolǵan.
Advokat Janna Orazbaqova keltіrgen derekke súıensek, negіzgі kúdіktі – enecі Natalıa Dontsova. Ol dál sol túnі Germanııadan asyǵys ketken. Al Aıgúldіń kúıeýі Aleksandr Dontsov qyzyna erіp Reseıge ótіp, keıіn іzdeý jumystaryna qatyspaǵan.
Aıgúldіń týystary qylmystyq іstі zertteýdegі Germanııa polıtsııasynyń áreketіne bіrneshe ret shaǵymdanǵan. Olardyń aıtýynsha, «tіkeleı dálelder bolǵanyna qaramastan, jarty jyldan asa eshkіmge aıyp taǵylmady». Jaqyndary Dontsovtardyń yqpalyn paıdalanyp, jaýapkershіlіkten qashyp júr dep esepteıdі.
Marqumnyń otbasy Aıgúldіń kúıeýі men enesіnen úıdegі zorlyq-zombylyq kórgenіn de ashyq aıtqan. Qaıǵyly oqıǵa Aıgúl bank kartasynan aqsha alǵannan keıіn bolǵan. Onyń denesі ekі apta ótken soń ǵana tabyldy — tsellofanǵa oraýly, qorlaý іzderіmen.
Qazaqstanda Aıgúl Saılybaevany azaptaý faktіsі boıynsha qylmystyq іs qozǵalǵan. Ishkі іster mınıstrіnіń orynbasary Sanjar Ádіlov tergeý QK-nіń 110-baby («Azaptaý») boıynsha júrіp jatqanyn rastady. Germanııamen quqyqtyq aqparat almasý jalǵasýda.
Búgіn Qazaqstan Dontsov Aleksandr men Dontsova Natalıany resmı túrde іzdeýge jarııalanǵanyn málіmdedі. Marqumnyń týystary bul qadam іstіń alǵa jyljýyna jáne ádіldіkke qol jetkіzýge yqpal etedі dep úmіttenedі.
Material avtory
