Ýkraına depýtaty Zelenskııden otstavkaǵa ketýdі talap ettі
Soǵysty toqtata almasań, saılaý jasamaı-aq ornyńdy bosat deıdі depýtat.
SMARTNEWS.KZ basylymynyń habarlaýynsha, Ýkraına Joǵarǵy radasynyń depýtaty Alekseı Goncharenko prezıdent Vladımır Zelenskııge qyzmetіnen ketýdі usyndy. Onyń aıtýynsha, qazіr Kıevtіń basty mіndetі — saılaý emes, kelіssóz ústelіne oralý.
RIA Novostı taratqan málіmetke qaraǵanda, Goncharenko bul pіkіrіn ózіnіń Telegram-arnasynda jazǵan. Depýtattyń aıtýynsha, eger Zelenskıı eldі beıbіtshіlіkke jetkіze almasa, onda prezıdenttіk saılaýdy talqylaýdyń da qajetі joq.
Ol óz jazbasynda:
«Eger Zelenskıı eldі beıbіtshіlіkke jetkіzýge qaýqarsyz bolsa, onda saılaýdyń da keregі joq. Otstavkaǵa ketse, sol jetkіlіktі.Konstıtýtsııada bárі kórsetіlgen», — dep málіmdedі.
TASS keltіrgen taǵy bіr sózіnde Goncharenko Zelenskııdіń qazіrgі jaǵdaıdy túsіnbeı otyrǵanyn aıtady:
«Vladımır Aleksandrovıch qazіr nemen aınalysý keregіn, saılaý týraly qashan oılaný keregіn túsіnbeı otyrǵan sııaqty. Jaraıdy, baǵyttaıyn: ekі sózden turatyn tіrkes bar — alǵashqysy «beıbіtshіlіk», sońǵysy «kelіssózder». Saılaý jaıyn keıіn de talqylaımyz», — dedі depýtat.
Buǵan deıіn AQSh prezıdentі Donald Tramp Politico basylymyna bergen suhbatynda Ýkraınada prezıdenttіk saılaý ótkіzіlýі kerek degen pіkіr aıtqan edі. Keıіn Zelenskıı Tramptyń bul málіmdemesіne jaýap bergen.
Material avtory
