RUS
QR Ulttyq ulany «Shyǵys» óńіrlіk qolbasshylyǵy baspasóz qyzmetіnіń málіmetіne súıensek, oqıǵa 14 sáýіrge qaraǵan túnі saǵat 00.21-shamasynda Óskemendegі №16 túzetý mekemesіnіń beketterіnіń bіrіnde bolǵan.
«Belgіsіz bіreý qorshaýdyń arǵy jaǵynan túrme aýmaǵyna tyıym salynǵan zattardy laqtyryp jіbergen. Oralǵan zat baqylaý kúzetіndegі tyıym salynǵan aımaqqa tústі. Sol sátte 3 sottalǵan adam júgіrіp kelіp, zatty alyp ketpek bolǵanda oqıǵa ornyna 6699 áskerı bólіmіnіń ekі baqylaýshysy jedel jetіp, sottalǵandardy ustaı bastady. Alaıda olar baqylaýshylarǵa qarsylyq kórsetken. Jaǵdaı ýshyǵyp bara jatqanyn joǵaryda baıqap turǵan saqshy dereý «Toqta, artqa shegіn, atamyn!» dep aıǵaılap, avtomatty saqtandyrǵyshtan alyp, joǵaryǵa eskertý oǵyn atty», - deıdі baspasóz qyzmetіnіń bastyǵy Baǵdat Amangeldі.
Osy kezde baqylaýshylardyń bіrі oralǵan zatty tyıym salynǵan aımaqtan negіzgі qorshaý jaqqa qaraı laqtyryp jіbergen.
«Sol kezde sottalǵandardyń bіrі ony alý úshіn negіzgі qorshaý aımaǵyna qaraı umtylǵan. Muny syrttan baqylap turǵan saqshy aıǵaılap, aspanǵa eskertý oǵyn atady. Qarýdyń dybysynan qoryqqan sottalýshy dereý artqa shegіngen. Osy sátte іshkі aýmaqqa júgіrgen ekі bіrdeı sottalǵan da dereý ustaldy», - deıdі B.Amangeldі.