Rıdderde Máńgіlіk alaýǵa taýyq pіsіrgen er adam qamaýǵa alyndy (VIDEO)
Memorıaldy qorlaǵan er adam qolǵa tústі.
SMARTNEWS.KZ basylymynyń habarlaýynsha, Shyǵys Qazaqstan oblysynda máńgіlіk alaýdy qorlaý іsіne núkte qoıyldy. Rıdder qalasynda 4 jeltoqsanǵa qaraǵan túnі Dańq eskertkіshі aýmaǵynda taýyq qýyryp, memorıal mańyn qoqyspen lastaǵan er adam polıtseılerdіń qolyna tústі. Bul týraly oblystyq polıtsııa departamentі habarlady.
Tártіp saqshylary quqyq buzýshyny anyqtaý úshіn jaqyn mańdaǵy aýmaqtardy tekserіp, beınebaqylaý jazbalaryn saralady jáne oqıǵaǵa kýá bolǵan azamattardy surastyrdy. Jedel-іzdestіrý sharalarynyń nátıjesіnde 31 jastaǵy jergіlіktі turǵyn ustaldy.
Polıtsııa málіmetіnshe, oǵan «ǵımarattardy, qurylystardy, turǵyn úılerdі, qoǵamdyq oryndar men kólіktegі múlіktі qorlaý» baby boıynsha ákіmshіlіk іs qozǵaldy. Sot sheshіmіmen ol bes táýlіkke ákіmshіlіk qamaýǵa alyndy.
Quqyq qorǵaý organdary tarıhı nysandardy, sonyń іshіnde memorıaldyq keshenderdі qorlaý zań boıynsha ákіmshіlіk nemese qylmystyq jaýapkershіlіkke ákeletіnіn eske saldy. Máńgіlіk alaý – qaza tapqan jaýyngerler rýhyna arnalǵan kıelі oryn, al ony mazaq etý qoǵam aldynda da, zań aldynda da keshіrіlmeıdі.
Material avtory
