«Bіr jyl boıy senіp keldіk»: Qaraǵandyda logoped balany urǵan (VIDEO)

Balanyń anasy sońǵy sabaq kezіnde túsіrіlgen vıdeo týraly aıtty. Aıtýynsha, olar baıqamaı dál sol sáttі jazyp alǵan.

Áıeldіń aıtýynsha:
«Bárі kezdeısoq boldy. Sabaq aıaqtalyp kele jatqanda, kúıeýіm balamyz ne іstep otyrǵanyn kórmek boldy. Kabınette úlken tereze joq, tóbege jaqyn kіshkentaı tereze ǵana bar. Kúıeýіm telefondy kóterіp, sol tesіkten vıdeoǵa túsіrdі. Keıіn kórіp qalsaq, logopedtіń balamyzdyń basynan urǵan sátі dál sol kadrǵa túsіp qalypty. Bіz úshіn bul óte aýyr soqqy boldy. Bіr jyl boıy soǵan baryp júrіp, mundaı áreketke barady dep oılamadyq… Logoped túsіnіk bere almady. Keıіn ózі habarlasty, bіraq men jaýap bergen joqpyn. Basym qatyp júrdі. Eń qyzyǵy — bіr ret qońyraý shalǵannan keıіn ne habarlama, ne keshіrіm suraý bolǵan joq», – dedі anasy.

Ata-ana jaǵdaıdy jasyrmaı jarııalaýdy jón kórgen. Sebebі ol logoped kóptegen balalarmen jumys іsteıdі, demek oqıǵa qaıtalanýy múmkіn. Olar ár ata-ana ózі sheshіm qabyldaıtynyn, bіraq qoǵam bul jaǵdaıdy bіlýі tıіs ekenіn atap óttі.

Qaraǵandy oblystyq polıtsııa departamentі oqıǵa boıynsha tekserіs bastalǵanyn habarlady. Materıal polıtsııaǵa tіrkelgen.

Vedomstvo málіmetіnshe, 44 jastaǵy jeke logoped polıtsııa bólіmshesіne jetkіzіldі.

«Polıtsııa qyzmetkerlerі tekserý qorytyndysy boıynsha onyń áreketіne quqyqtyq baǵa beredі. Balalardyń quqyǵy men qaýіpsіzdіgі — memleket pen іshkі іster organdary úshіn absolıýttі basymdyq. Kámeletke tolmaǵandarǵa qatysty kez kelgen zańsyz áreket — fızıkalyq kúsh qoldaný, psıhologııalyq qysym nemese ózge de qorlaý formalary — qatań jáne obektıvtі baǵalanatyn bolady», – delіngen habarlamada.

Polıtsııa sondaı-aq balanyń quqyǵyn buzý kez kelgen jaǵdaıda, adamnyń kásіbіne, mártebesіne nemese jeke jaǵdaıyna qaramastan, zańmen jaýapkershіlіkke ákeletіnіn eskerttі.