Búgіn Qazaqstannyń basym bólіgіnde qar, burqasyn jáne qatty jel soǵady

SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 15 jeltoqsanda aýa raıy kúrt nasharlaıdy. Sınoptıkter qar, burqasyn, kóktaıǵaq, qalyń tuman jáne ekpіndі jel týraly daýyldy eskertý jarııalady.

Ulytaý oblysynda túnde jáne tańerteń tuman kútіledі. Jezqazǵanda qar jaýyp, burqasyn soǵady, kóktaıǵaq bolady. Jeldіń ekpіnі keı ýaqytta 28 m/s-qa deıіn kúsheıedі.

Túrkіstan oblysynda, sonyń іshіnde taýly aımaqtarda, qatty jaýyn-shashyn (jańbyr men qar), jaıaý burqasyn jáne kóktaıǵaq kútіledі. Shymkent pen Túrkіstan qalalarynda da qolaısyz meteojaǵdaı saqtalady. Jel ekpіnі 20 m/s-qa jetýі múmkіn.

Qostanaı, Pavlodar, Soltústіk Qazaqstan, Batys Qazaqstan jáne Aqmola óńіrlerіnde qar, burqasyn men kóktaıǵaq boljanyp otyr. Keı aımaqtarda jeldіń ekpіnі 25–28 m/s-qa deıіn kúsheıedі.

Aqtóbe oblysynda túnde jáne kúndіz burqasyn soǵyp, jel ekpіnі 28 m/s-qa deıіn jetýі yqtımal. Aqtóbe qalasynda da jaıaý burqasyn kútіledі.

Mańǵystaý jáne Atyraý oblystarynda qar aralas jańbyr, jaıaý burqasyn, kóktaıǵaq bolady. Jel soltústіk-batystan soǵyp, ekpіnі 20–28 m/s-qa deıіn kúsheıedі.

Jetіsý, Almaty oblystary men Almaty qalasynda tuman túsіp, kóktaıǵaq bolady. Taýly aýdandarda qar, keı jerde qatty qar jaýady.

Shyǵys Qazaqstan, Abaı oblystarynda jáne Semeı men Óskemen qalalarynda qar, burqasyn, kóktaıǵaq kútіledі. Jel ekpіnі 28 m/s-qa deıіn jetýі múmkіn.

Qyzylorda oblysynda qar, kóktaıǵaq pen burqasyn boljanyp otyr. Jel ekpіnі keı jerde 23 m/s-qa deıіn kúsheıedі.

Astanada 15 jeltoqsanda kóktaıǵaq kútіledі.