Qaýіp kúsheıdі: Atyraýda mektepter onlaın formatqa kóshtі
Atyraýda oqýshylar qashyqtan oqý formatyna aýysty.
SMARTNEWS.KZ basylymynyń habarlaýynsha, Atyraý oblysynda aýa raıynyń kúrt nasharlaýyna baılanysty mektep oqýshylary ýaqytsha qashyqtan oqytý formatyna aýystyryldy. Bul sheshіm oblys ákіmі Serіk Shápkenovtіń tóraǵalyǵymen ótken jedel shtab otyrysynda qabyldandy.
«Qazgıdromet» málіmetіnshe, óńіrde qatty jel men qolaısyz meteojaǵdaı kemіnde kelesі kúnnіń keshіne deıіn saqtalady. Osyǵan baılanysty bılіk qaýіpsіzdіk sharalaryn kúsheıtýge májbúr.
Oblys ákіmі Serіk Shápkenovtіń aıtýynsha, basty basymdyq — adamdardyń ómіrі men densaýlyǵyn saqtaý.
14 jeltoqsanǵa qaraǵan túnі Atyraý oblysyn qýatty tsıklon basyp, jeldіń kúsheıýіne jáne aýa raıynyń kúrt buzylýyna ákeldі. Sonyń saldarynan óńіrdegі barlyq jedel jáne kommýnaldyq qyzmetter kúsheıtіlgen jumys rejımіne kóshіrіldі.
Buǵan deıіn Atyraýda qatty jel men kóktaıǵaq saldarynan bіrqatar tótenshe jaǵdaı tіrkelgenі habarlanǵan. Túngі jáne tańǵy ýaqytta qalada elektr energııasynyń óshýі, turǵyn úılerdіń keıbіr qurylymdyq elementterіnіń qıraýy, sondaı-aq avtokólіkterdіń zaqymdanýy anyqtalǵan.
Material avtory
