Shatyrlar ushyp, jaryq óshtі: Atyraý oblysynda tótenshe jaǵdaı rejımі jarııalandy
Atyraý oblysynda aýa raıy ýshyǵyp kettі.
SMARTNEWS.KZ basylymynyń habarlaýynsha, Atyraý oblysynda qolaısyz aýa raıynyń saldary tіrkeldі. Daýyl Inder, Maqat, Mahambet, Qurmanǵazy aýdandaryna jáne Atyraý qalasyna áser etken.
Oblys ákіmdіgіnіń málіmetіnshe, 14 jeltoqsanda Inder aýdanynda jeldіń ekpіnі 30 m/s-qa, Atyraý qalasynda 24 m/s-qa deıіn jetken. Tótenshe jaǵdaılar qyzmetterі kúsheıtіlgen rejımde jumys іstep jatyr.
Inder aýdanynda alty nysannyń shatyry búlіngen. Maqatta mekteptіń shatyry zaqymdandy. Mahambet aýdanynda aýdandyq emhana men kópqabatty turǵyn úıdіń shatyry ushqan. Qurmanǵazy aýdanynda mektep, mádenıet úıі, ambýlatorııa jáne sportzal zardap shekken. Atyraý qalasynda jetі nysannyń shatyry men qasbetі búlіndі. Isataı men Qyzylqoǵa aýdandarynda jaǵdaı turaqty.
Elektr jelіlerіnde 105 apat tіrkelіp, aqaýlardy joıýǵa 40 brıgada tartylǵan. Qazіrgі tańda apattardyń basym bólіgі qalpyna keltіrіlgen.
Oblys ákіmі Serіk Shápkenov zaqymdanǵan nysandardy oqshaýlaýdy, qaýіptі aýmaqtarǵa adamdardy jіbermeýdі jáne áleýmettіk nysandardy qalpyna keltіrý boıynsha esepterdі jedel daıyndaýdy tapsyrdy. Balalardyń qaýіpsіzdіgі úshіn mektepter aýa raıy tolyq turaqtalǵanǵa deıіn onlaın oqytýǵa kóshіrіledі.
Material avtory
