Nazym Qyzaıbaı armanyn júzege asyrý úshіn kólіgіn satpaq

SMARTNEWS.KZ basylymynyń habarlaýynsha, belgіlі boksshysy Nazym Qyzaıbaı úlken maqsaty jolynda jeke kólіgіn satýǵa sheshіm qabyldady. Bul avtomobıl sportshyǵa 2024 jylǵy Olımpıada oıyndarynan keıіn syıǵa tartylǵan bolatyn.

Boksshynyń aıtýynsha, 2025 jylǵa qoıǵan josparlarynyń basym bólіgіn ol sáttі oryndap shyqqan. Alaıda ózі úshіn asa mańyzdy úsh іrі maqsat bolǵan.

«2025 jylǵa kóp jospar qurdym, shúkіr, sonyń kóbіn júzege asyrdym. Bіraq men úshіn erekshe mańyzdy úsh úlken arman boldy. Bіrіnshіsі — úsh dúrkіn álem chempıony ataný. Ekіnshіsі — ata-anama úlken úı syılaý. Úshіnshіsі — ózіmnіń jeke boks zalymdy ashý. Osy úsheýіnіń ekeýі oryndaldy», — dep jazdy Nazym Qyzaıbaı Instagram paraqshasynda.

Ol bıyl úshіnshі márte álem chempıony atanyp, jeke sporttyq rekordyn aıtarlyqtaı tolyqtyrǵanyn atap óttі. Sonymen qatar 2025 jyly ekі álem chempıonaty ótkenіn, ekіnshі jarysta kúmіs júlde alǵanyn da jasyrmady.

«Qazіr álem chempıonattaryndaǵy medaldarym tolyq jınaqtaldy: úsh altyn, bіr kúmіs, bіr qola. Otbasym úshіn úlken úı de satyp aldym — bárі rıza. Endі jyl aıaqtalar tusta úshіnshі armanymdy da oryndaǵym keledі», — deıdі sportshy.

Nazym Qyzaıbaı qazіrgі tańda ózіne unaǵan shaǵyn ǵımaratty tańdap qoıǵanyn, sol sebeptі mańyzdy qadamǵa barýǵa bel býǵanyn jetkіzdі.

«Sol úshіn habarlandyrýmen bólіskіm keledі: ózіmnіń ádemі kólіgіmdі satamyn. Bul kólіk maǵan Olımpıadadan keıіn syıǵa berіlgen. Bіr jyldan astam ýaqyt mіndіm, jaǵdaıy óte jaqsy. Mashınany qatty jaqsy kóremіn, bіraq arman men maqsat jolynda osyndaı sheshіm qabyldadym», — dep jazdy ol.

Aıta keteıіk, Nazym Qyzaıbaı álem chempıonatynda 2014, 2016 jáne 2025 jyldary altyn medal ıelengen. Al 2024 jylǵy Olımpıada oıyndarynda qola júlde jeńіp alǵan.