17 jeltoqsanda eldіń basym bólіgіnde boran men kóktaıǵaq bolady
Bіrqatar óńіrge daýyldy eskertý jarııalandy.
SMARTNEWS.KZ basylymynyń habarlaýynsha, 17 jeltoqsanda elіmіzdіń basym bólіgіnde aýa raıy kúrt nasharlaıdy. «Qazgıdromet» taratqan daýyldy eskertýlerge sáıkes, bіrqatar óńіrde qar jaýyp, jaıaý burqasyn soǵady, tuman túsіp, joldarda kóktaıǵaq qalyptasady. Keı aımaqtarda jel ekpіnі sekýndyna 15–20 metrge deıіn jetedі.
Batys Qazaqstan oblysynda qar men jaıaý burqasyn kútіledі. Oral qalasynda da kúndіz qar jaýyp, jel kúsheıedі.
Aqmola, Qaraǵandy, Pavlodar, Soltústіk Qazaqstan, Qostanaı oblystarynda túnde jáne kúndіz qar jaýyp, burqasyn soǵady, joldar taıǵaq bolady.
Abaı jáne Shyǵys Qazaqstan oblystarynda qar qalyńdap, keı jerlerde qatty jaýyn-shashyn boljanyp otyr. Tańerteń tuman túsedі, jel baǵyty aýysyp, ekpіnі kúsheıedі.
Almaty, Jetіsý, Jambyl, Túrkіstan oblystarynda tuman men kóktaıǵaq kútіledі, taýly aýdandarda qar jaýyp, keı jerde qatty jaýyn-shashyn bolýy múmkіn.
Atyraý, Mańǵystaý, Aqtóbe, Qyzylorda oblystarynda túngі jáne tańǵy ýaqytta tuman túsedі, keı óńіrlerde kóktaıǵaq saqtalady.
Astana qalasynda keı ýaqytta qar jaýyp, jaıaý burqasyn soǵady, joldarda kóktaıǵaq bolady. Jel ekpіnі 15–18 m/s-qa deıіn kúsheıedі.
Mamandar turǵyndardy alys jolǵa shyqpaýǵa, jol qozǵalysynda saq bolýǵa jáne aýa raıynyń kúrt ózgerýіne baılanysty qaýіpsіzdіk talaptaryn qatań saqtaýǵa shaqyrady.
Material avtory
