Qazaqstanda úsh kúnde іzdeýde júrgen 12 adam ustaldy
Respýblıkalyq reıd barysynda bіrneshe qylmys tіrkeldі.
SMARTNEWS.KZ basylymynyń habarlaýynsha, 11 jáne 13 jeltoqsan aralyǵynda el aýmaǵynda «Quqyqtyq tártіp» atty respýblıkalyq jedel-profılaktıkalyq іs-shara óttі. Operatsııany kólіktegі polıtsııa departamentі júrgіzdі.
Is-shara barysynda kólіk polıtseılerі 13 qylmys pen qylmystyq terіs qylyqty tіrkedі. Onyń 12-sі «іzіn sýytpaı» ashylǵan. Jedel-іzdestіrý sharalary aıasynda quqyq qorǵaý organdary іzdeýde júrgen 12 adamdy ustady.
Jalpy 1245 azamat ákіmshіlіk jaýapkershіlіkke tartyldy. Tártіp buzýshylyqtardyń basym bólіgі qoǵamdyq oryndarda tıіsý derekterіmen baılanysty — 108 fakt. Sonymen qatar, alkogoldіk іshіmdіk іshý jáne mas kúıіnde qoǵamdyq oryndarǵa shyǵý boıynsha 96 quqyqbuzýshylyq anyqtaldy.
Polıtseıler túngі ýaqytta zańdy ókіlderіnsіz kólіk nysandarynda júrgen 24 kámeletke tolmaǵan balany anyqtady. Olardyń 14-і kámeletke tolmaǵandardy beıіmdeý ortalyǵyna ornalastyryldy.
Sondaı-aq reıd kezіnde kóshі-qon zańnamasyn buzý derekterі de tіrkeldі. Nátıjesіnde 49 shetel azamaty jaýapkershіlіkke tartyldy.
Material avtory
