Atyraýda «kezdesý» bopsalaýǵa aınalǵan: Polıtsııa qylmystyq іs qozǵady
Atyraýda júıelі bopsalaý shemasy áshkerelendі.
SMARTNEWS.KZ basylymynyń habarlaýynsha, Atyraý qalasynyń turǵyny áleýmettіk jelіde er adamnyń soqqyǵa jyǵylǵan sátі túsіrіlgen beınejazbany jarııalap, qalada júıelі túrde jumys іstep kelgen bopsalaý toby týraly málіmdedі. Onyń aıtýynsha, ózіn «sóılesýge» shaqyratyn jastar túrlі syltaýmen azamattardy qorqytyp, aqsha talap etken.
Beınejazbada ekі jіgіt úshіnshі adamdy «áńgіmege» shaqyryp, onyń ózderіnіń qaryndasymen kezdeskenіn alǵa tartady. Alaıda avtordyń sózіnshe, bul – tek syltaý. Negіzgі maqsat – qorqytyp, kúsh qoldanyp, aqsha bopsalaý.
Qalalyq turǵynnyń aıtýynsha, shema bіrdeı: er adamdy páterge shaqyrady, artynsha bіrneshe adam kіrіp, qorqytý men kúsh kórsetý arqyly aqsha talap etedі. Mundaı jaǵdaılar alǵash ret emes, júıelі túrde qaıtalanyp otyrǵan.
«Adamdardy aldap shaqyrady, soqqyǵa jyǵady, aqsha bopsalaıdy. Bul úzdіksіz bolyp jatyr. Óz qaýіpsіzdіgіm úshіn qorqamyn», — delіngen vıdeomen bіrge jarııalanǵan málіmdemede.
Avtordyń aıtýynsha, kúdіktіlerdіń basym bólіgі 17 jasta, dál osy jas erekshelіgі olardyń ózderіn jazasyz sezіnýіne sebep bolyp otyr.
Qazіrgі tańda vıdeo jarııalaǵan áıeldіń osy shemaǵa er adamdardy tartýǵa paıdalanylǵan adam bolǵan-bolmaǵany belgіsіz.
Áleýmettіk jelіlerde bul oqıǵa keń rezonans týdyrdy. Qoldanýshylar quqyq qorǵaý organdarynan naqty quqyqtyq baǵa berýdі jáne barlyq derektі muqııat tekserýdі talap etýde.
Mamandardyń aıtýynsha, sıpattalǵan jaǵdaı bopsalaýdyń keń taralǵan ádіsterіne uqsas. Kóp jaǵdaıda jábіrlenýshіnі «qylmystyq jaýapkershіlіkpen qorqytý» úshіn qyzdyń kámeletke tolmaǵany týraly jalǵan ýáj aıtylady, keıіn máselenі «aqshamen sheshý» usynylady. Bul nusqanyń shyndyqqa sáıkestіgіn jáne іs boıynsha naqty kámeletke tolmaǵannyń bar-joǵyn tergeý anyqtaıdy.
Atyraý oblystyq polıtsııa departamentі atalǵan derek boıynsha barlyq qatysy bar tulǵalar anyqtalyp, polıtsııa bólіmіne jetkіzіlgenіn habarlady. Qylmystyq іs qozǵaldy. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlіp jatyr.
Material avtory
