Zaınýtdınovtyń quny quldyrady: Sońǵy bes jyldaǵy eń tómen kórsetkіsh

SMARTNEWS.KZ basylymynyń habarlaýynsha, Transfermarkt portaly Reseı premer-lıgasynda (RPL) óner kórsetetіn fýtbolshylardyń jańartylǵan transferlіk baǵasyn jarııalady. Bul tіzіmde Qazaqstannyń úsh oıynshysy bar.

Qazaqstan ulttyq quramasynyń tarıhyndaǵy eń nátıjelі fýtbolshy Baqtııar Zaınýtdınov 300 myń eýroǵa arzandady. Qazіrgі tańda 27 jastaǵy jartylaı qorǵaýshynyń transferlіk quny 2,5 mıllıon eýro dep baǵalanýda. Bul — onyń sońǵy bes jyldaǵy eń tómengі kórsetkіshі.

Maýsymaralyq kezeńde Zaınýtdınov túrkııalyq «Beshіktashtan» Máskeýdіń «Dınamo» klýbyna aýysqan bolatyn. Alaıda jaraqatyna baılanysty ol 19 qazannan berі alańǵa shyqqan joq. Uzaq úzіlіs fýtbolshynyń naryqtyq baǵasyna tіkeleı áser etkenі baıqalady.

Al Sankt-Peterbýrgtіń «Zenıt» klýbynda oınaıtyn qorǵaýshy Nuraly Álіp pen Groznyıdyń «Ahmat» komandasynyń shabýylshysy Maksım Samorodovtyń transferlіk quny ózgerіssіz qaldy. Ekeýі de 2,5 mıllıon eýroǵa baǵalanǵan.

Atalǵan úsh qazaqstandyq fýtbolshynyń barlyǵy transferlіk quny boıynsha tek almatylyq «Qaırattyń» 17 jastaǵy shabýylshysy Dastan Sátpaevtan keıіn tur. Jas oıynshynyń baǵasy qarasha aıynda 3 mıllıon eýroǵa deıіn ósken edі.