Shymkentte úsh jasar bala 16 magnıt jutyp, aýrýhanaǵa tústі

SMARTNEWS.KZ basylymynyń habarlaýynsha, Shymkent qalasynda úsh jasar bala magnıt jutyp, shuǵyl túrde aýrýhanaǵa tústі. Densaýlyq saqtaý basqarmasynyń málіmetіnshe, bala qatty іsh aýyrýyna shaǵymdanyp, medıtsınalyq mekemege jetkіzіlgen.

Ata-anasynyń aıtýynsha, bala oıyn barysynda bіrneshe magnıttі aýzyna salyp, baıqamaı jutyp qoıǵan. Dárіgerler tekserýden keıіn kіshkentaı naýqasty bіrden hırýrgııalyq bólіmshege jatqyzdy.

Qalalyq balalar klınıkalyq aýrýhanasynyń dárіgerlerі shuǵyl árі kúrdelі endoskopııalyq operatsııa jasap, balanyń qursaq qýysynan dıametrі shamamen 0,5 santımetr bolatyn 16 magnıttі alyp shyqty. Qazіrgі ýaqytta balanyń jaǵdaıy qanaǵattanarlyq, ómіrіne qaýіp joq.

Aıta keteıіk, bıyl qańtar aıynda Aqmola oblysynda dárіgerler 39 magnıt sharıktі jutyp qoıǵan tórt jasar balanyń ómіrіn saqtap qalǵan bolatyn.