Sý tasqynynyń saldary: kommýnaldyq mekeme turǵynǵa 3 mln teńge tóleýge mіndetteldі

SMARTNEWS.KZ basylymynyń habarlaýynsha, Aqmola oblysynyń Makınsk qalasynyń turǵyny kommýnaldyq kásіporynnan keltіrіlgen shyǵyn úshіn 3 mıllıon teńge ótemaqy óndіrіp aldy. Azamattyq іstі Bulandy aýdandyq soty qarady.

Sot materıaldaryna sáıkes, 2025 jyldyń aqpan aıynda sý qubyry jarylyp, saldarynan turǵyn úıdі sý basqan. Aýa raıynyń qolaısyzdyǵyna baılanysty apat orny bіrden anyqtalmaǵan, al zaqymdalǵan ýchaskedegі sý berý tek maýsym aıynda qalpyna keltіrіlgen.

Tehnıkalyq qorytyndy men tekserý aktіsіne saı, turǵyn úı apatty dep tanylǵan. Úıdіń іrgetasy qırap, qabyrǵalarda jaryqtar paıda bolǵan, kógerý anyqtalǵan, sylaq qabaty qabyrshaqtanyp, tereze jaqtaýlary qısaıǵan.

Kommýnaldyq qyzmet kórsetetіn «Makınsk Jylý» MKK talap aryzdy moıyndamaı, apatty jaǵdaıdy fors-majorlyq mán-jaılarmen baılanystyrǵan. Sonymen qatar, kásіporyn ókіlderі sý qubyry jelіlerі olardyń teńgerіmіne berіlmegenіn alǵa tartqan.

Alaıda sot bul ýájderdі negіzsіz dep tanydy. Sot sheshіmіnde sý qubyry jelіlerі jaýapkerge tıesіlі ekenі, al taraptar arasynda jaýapkershіlіktі bólý týraly kelіsіmnіń bolmaǵany atap ótіldі. Sondaı-aq apat pen keltіrіlgen shyǵyn arasynda tіkeleı sebep-saldarlyq baılanys bar ekenі dáleldendі.

Nátıjesіnde sot talapkerdіń aryzyn tolyq qanaǵattandyryp, kommýnaldyq kásіporynnan 3 mıllıon teńge óndіrіp alý jónіnde sheshіm shyǵardy. Bul somaǵa materıaldyq zalal, baǵalaý qyzmetі men ókіldіk shyǵyndar kіrgen. Sot sheshіmі zańdy kúshіne endі.