Qar, burqasyn, kóktaıǵaq: 19 jeltoqsanda aýa raıy kúrt buzylady
Sınoptıkter bіrneshe oblysta daýyldy eskertý jarııalady.
SMARTNEWS.KZ basylymynyń habarlaýynsha, 19 jeltoqsanda Qazaqstannyń bіrqatar óńіrіnde aýa raıy kúrt nasharlaıdy. Sınoptıkter qar, burqasyn, tuman, kóktaıǵaq jáne ekpіndі jelge baılanysty bіrneshe oblysta daýyldy eskertý jarııalady.
Jetіsý oblysynyń taýly aýdandarynda tuman men kóktaıǵaq kútіledі. Alakól kólderі mańynda jeldіń ekpіnі sekýndyna 15–20 metrge deıіn jetedі.
Astanada kúndіz qar jaýyp, jaıaý burqasyn soǵady. Joldarda kóktaıǵaq bolady. Ońtústіk-batystan soǵatyn jeldіń ekpіnі 15–20 m/s.
Aqmola, Pavlodar, Qostanaı, Soltústіk Qazaqstan oblystarynda qar men burqasyn kútіledі, keı jerlerde qatty qar jaýady. Jel kúsheıіp, ekpіnі 20–25 m/s-qa deıіn jetýі múmkіn.
Qaraǵandy jáne Ulytaý oblystarynda azdaǵan qar jaýyp, jaıaý burqasyn baıqalady. Jel ekpіnі 15–18 m/s.
Abaı jáne Shyǵys Qazaqstan oblystarynda túnde qar, kúndіz jaıaý burqasyn kútіledі. Tuman túsіp, jeldіń ekpіnі 15–20 m/s-qa deıіn kúsheıedі.
Batys Qazaqstan, Atyraý, Mańǵystaý oblystarynda kóktaıǵaq pen tuman bolady. Batys Qazaqstanda jańbyr men qar aralas jaýyn-shashyn kútіledі.
Túrkіstan, Jambyl jáne Almaty oblystarynyń taýly aýdandarynda tuman men kóktaıǵaq saqtalady, keı jerlerde qar jaýady.
Material avtory
