AQSh grın-karta lotereıasyn ýaqytsha toqtatty

SMARTNEWS.KZ basylymynyń habarlaýynsha, AQSh bılіgі grın-karta utys oıyny arqyly ımmıgratsııalyq vıza berý baǵdarlamasyn ýaqytsha toqtatty. Bul sheshіm Braýn ýnıversıtetіnde bolǵan atys oqıǵasynan keıіn qabyldandy.

AQSh-tyń іshkі qaýіpsіzdіk mınıstrі Krıstı Noemnіń málіmdeýіnshe, prezıdent Donald Tramptyń tіkeleı tapsyrmasymen Azamattyq jáne ımmıgratsııalyq qyzmetke (USCIS) DV-1 dep atalatyn turaqty turýǵa ruqsat beretіn vızalar lotereıasynyń jumysy dereý toqtatylǵan.

Mınıstrdіń aıtýynsha, Braýn ýnıversıtetіndegі atysqa jáne Massachýsets tehnologııalyq ınstıtýtynyń (MIT) professory Nýno Lýreırýdіń ólіmіne kúdіktі portýgalııalyq Nevesh Valente AQSh-qa dál osy DV-1 baǵdarlamasy arqyly 2017 jyly kelіp, keıіn turaqty turý mártebesіn alǵan.

«Bul adamǵa eshqashan AQSh-qa kіrýge ruqsat berіlmeýі tıіs edі», — dep atap óttі Krıstı Noem.

Mınıstr sondaı-aq Donald Tramptyń bul baǵdarlamany toqtatý máselesіn buǵan deıіn de kótergenіn eske saldy. Atap aıtqanda, 2017 jyly Nıý-Iorkte júk kólіgіmen jasalǵan lańkestіk shabýyldan keıіn grın-karta lotereıasyn jabý týraly bastama kóterіlgen bolatyn.

Amerıkalyq BAQ-tyń habarlaýynsha, Nevesh Valente 13 jeltoqsanda Braýn ýnıversıtetіnde bolǵan atys kezіnde ekі stýdenttіń qaza tabýyna, sondaı-aq 15 jeltoqsanda MIT professory Nýno Lýreırýdіń ólіmіne qatysy bar degen kúdіkke іlіngen. Jelіde jarııalanǵan aqparatqa sáıkes, kúdіktі 18 jeltoqsan keshke ólі kúıіnde tabylǵan, aldyn ala derek boıynsha ol ózіne qol jumsaǵan.

Aıta keteıіk, AQSh Memlekettіk departamentі jyl saıyn Diversity Immigrant Visa baǵdarlamasy aıasynda grın-karta alý úshіn úmіtkerlerdі kezdeısoq іrіkteý ótkіzedі. Associated Press agenttіgіnіń málіmetіnshe, 2025 jylǵy lotereıaǵa shamamen 20 mıllıon adam ótіnіsh bergen, olardyń іshіnen otbasylaryn qosa eseptegende 131 myńnan astam úmіtker tańdalǵan.

Lotereıa jeńіmpazdary keıіn konsýldyq suhbattan ótіp, basqa ımmıgratsııalyq vıza úmіtkerlerі sııaqty tolyq tekserіsten ótedі.