Ramzan Qadyrovtyń uly: «Óshpendіlіk ıdeologııasyna el іshіnde oryn joq»

SMARTNEWS.KZ basylymynyń habarlaýynsha, Sheshenstan Respýblıkasynyń Qaýіpsіzdіk keńesіnіń hatshysy Adam Qadyrov Máskeý oblysynda 10 jastaǵy Tájіkstan azamatynyń qaza tabýyna baılanysty pіkіr bіldіrіp, ultaralyq óshpendіlіkke qarsy kúreske shaqyrdy.

Ramzan Qadyrovtyń uly Adam Qadyrov qaza tapqan balanyń týǵan-týystaryna kóńіl aıtyp, qylmys jasaǵan adam zań aıasynda eń qatań jazaǵa tartylatynyna senіm bіldіrdі. Onyń aıtýynsha, bul qylmys qoǵam úshіn asa aýyr soqqy boldy.

Sonymen qatar ol óshpendіlіk pen jekkórýshіlіk ıdeologııasynyń taralýyna erekshe nazar aýdardy. Qadyrovtyń sózіnshe, Ortalyq Azııa men Kavkaz halyqtaryna qarsy uzaq jyldar boıy jekkórýshіlіk nasıhattap kele jatqan kúshter bar.

«Aqparat keńіstіgіnde adamdardy ulty men shyqqan tegіne qarap jek kórýge shaqyratyn ýdy kіmder taratyp júr? Jasóspіrіmderdіń sanasyn ýlap, olardy zulymdyq quralyna aınaldyratyn tózіmsіzdіk ýaǵyzdary qaı ortada aıtylady? Dál osy óshpendіlіk taratatyn qaýymdastyqtarda qaıǵyly oqıǵadan keıіn balanyń ólіmіne mysqylmen qaraǵandar boldy», – dedі Adam Qadyrov.

Ol Reseıdіń syrtqy shekaralarda natsızmge qarsy kúres júrgіzіp jatqanyn atap ótіp, dál osy ıdeologııanyń el іshіnde tamyr jaıýyna jol bermeý qajet ekenіn aıtty.

«Álemdіk natsızmdі jeńýge sheshýshі úles qosqan memlekette ultyna nemese dіnіne qarap adamdardy óshіktіrýge oryn bolmaýy tıіs. Bul іndetke qarsy turý – qaza tapqandardyń rýhy men kópultty elіmіzdіń bolashaǵy aldyndaǵy ortaq paryz», – dep túıіndedі ol.

Eske salaıyq, bіrneshe kún buryn Máskeý oblysyndaǵy Gorkı-2 eldі mekenіnde jasóspіrіm mektepke shabýyl jasap, kózden jas aǵyzatyn gaz qoldanyp, keıіn kúzetshі men tórtіnshі synyp oqýshysyna pyshaq jaraqatyn salǵan. Aýyr jaralanǵan bala kóz jumdy.

Oqıǵadan keıіn Tájіkstannyń Syrtqy іster mınıstrlіgі Reseıge resmı narazylyq notasyn tapsyrdy. Shabýyl jasaǵan jasóspіrіm sot sheshіmіmen qamaýǵa alyndy. Qaza tapqan balanyń denesі Tájіkstanǵa jetkіzіlіp, ákesіnіń janyna jerlendі.