Tuman, kóktaıǵaq, boran: el óńіrlerіne daýyldy eskertý jarııalandy
Qazaqstanda 22 jeltoqsanda aýa raıy kúrt nasharlaıdy.
SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 22 jeltoqsanda aýa raıy kúrt nasharlaıdy. Sınoptıkter el aýmaǵynda tuman, kóktaıǵaq, qar, jaıaý burqasyn jáne ekpіndі jel kútіletіnіn eskertedі.
Ońtústіk óńіrlerde, sonyń іshіnde Túrkіstan, Jambyl, Qyzylorda oblystarynda jáne Shymkent, Taraz qalalarynda tuman men kóktaıǵaq boljanǵan. Taýly aýdandarda qar jaýyp, jol qozǵalysy qıyndaýy múmkіn.
Batys jáne soltústіk aımaqtarda jaǵdaı kúrdelіrek. Aqmola, Soltústіk Qazaqstan, Qostanaı, Pavlodar, Qaraǵandy, Ulytaý jáne Batys Qazaqstan oblystarynda qar, jaıaý burqasyn men qatty jel kútіledі. Jeldіń ekpіnі keı jerlerde 25–28 m/s-qa deıіn jetýі múmkіn. Bul óńіrlerde kórіný qashyqtyǵy tómendep, trassalarda kóktaıǵaq qalyptasady.
Shyǵys Qazaqstan, Abaı jáne Almaty oblystarynda qar men tumanǵa qosa, ekpіndі jel kútіledі. Taýly aýdandarda kóktaıǵaq qaýpі joǵary. Óskemen, Semeı, Almaty, Qonaev qalalarynda jol jaǵdaıy qıyndaýy yqtımal.
Mańǵystaý men Atyraý oblystarynda tuman men kóktaıǵaq saqtalady, al Aqtaýda jel kúsheıedі.
Elordada 22 jeltoqsanda ońtústіk-batystan soǵatyn jeldіń jyldamdyǵy 15–20 m/s-qa deıіn jetýі múmkіn.
Mamandar júrgіzýshіler men jaıaý júrgіnshіlerge jolda asa saq bolýdy, al alys saparlardy keıіnge shegerýdі usynady.
Material avtory
