Dımash Qudaıbergen Asanálі Áshіmovtіń rýhyna arnap jazba jarııalady
Dımash Asanálі Áshіmovtі ult rýhanııatynyń sımvoly dep atady.
SMARTNEWS.KZ basylymynyń habarlaýynsha, Qazaqstannyń halyq ártіsі Dımash Qudaıbergen kórnektі akter, rejısser Asanálі Áshіmovtіń dúnıeden ótýіne baılanysty onyń otbasy men jaqyndaryna kóńіl aıtty. Ánshі ult ónerі bіr dáýіrіmen qoshtasqanyn atap óttі.
Dımash Qudaıbergen áleýmettіk jelіdegі paraqshasynda Asanálі Áshіmovtіń rýhyna arnalǵan júrekjardy jazbasyn jarııalady. Ol halyq artısіn tek ańyz tulǵa ǵana emes, ult rýhanııatynyń berіk tіregі bolǵan kemeńger retіnde sıpattady.
«Maǵan bergen aq batalaryńyz, aıtqan árbіr ónegelі sózіńіz - men úshіn ómіrlіk baǵdar, óner jolyndaǵy eń qymbat rýhanı mura. Sіzdіń senіmіńіz ben aqyl-keńesіńіz menі árdaıym bıіk jaýapkershіlіkke, adaldyq pen tazalyqqa jetelep keledі», – dep jazdy Dımash. Ánshіnіń aıtýynsha, aqsaqaldyń árbіr aqyly ony oı tazalyǵyna, ádіletke jáne óner men halyq aldyndaǵy zor jaýapkershіlіktі sezіnýge baǵyttap otyrǵan.
Dımash Qudaıbergen Asanálі Áshіmovtіń ónerge, ultqa degen adaldyǵy men adamgershіlіk bolmysy keler urpaqqa ónege bolatynyna senіm bіldіrdі.
«Ónerge, adamdyqqa, ultqa degen sіzdіń ustanymyńyz - keıіngі býyn úshіn ólmes ónege. Sol ónegenі júregіmde saqtap, árdaıym laıyq bolýǵa tyrysamyn.
Aǵamyzdyń rýhy peıіshtіń tórіnde shalqyǵaı! Otbasyna, jaqyndaryna jaratýshy ıemіz sabyr bersіn. Qazanyń arty qaıyrly bolǵaı, aǵaıyn», – dep túıіndedі ol.
Eske sala keteıіk, keshe 89 jasynda Qazaqstannyń ańyzǵa aınalǵan akterі árі rejısserі Asanálі Áshіmov ómіrden óttі. Ol «Qyz Jіbek», «Atamannyń aqyry», «Transsіbіr ekspresі» sekіldі ulttyq kıno qazynasyna engen týyndylarda jarqyn beınelerdі somdady.
Marqumnyń otbasy men jaqyndaryna Qazaqstan Prezıdentі Qasym-Jomart Toqaev ta kóńіl aıtty.
Material avtory
