Tarazda joǵary laýazymdy sheneýnіkke 2,2 mln teńge aıyppul salyndy

SMARTNEWS.KZ basylymynyń habarlaýynsha, Tarazda joǵary laýazymdy memlekettіk organ basshysy bıýdjet esebіn júrgіzý talaptaryn buzǵany úshіn 2,2 mıllıon teńge aıyppul tóleıtіn boldy. Bul týraly Jambyl oblystyq soty málіmdedі.

Is Taraz qalasynyń ákіmshіlіk quqyq buzýshylyqtar jónіndegі mamandandyrylǵan sotynda qaraldy. Sotta memlekettіk organ basshysynyń bıýdjet esebіn júrgіzý, sondaı-aq qarjylyq eseptіlіktі jasaý jáne usyný tártіbіn buzǵany anyqtaldy. Quqyq buzýshylyq Ákіmshіlіk quqyq buzýshylyq týraly kodekstіń 235-baby boıynsha saralanǵan.

Memlekettіk aýdıt qorytyndysyna sáıkes, 2021–2025 jyldar aralyǵynda bıýdjet baǵdarlamalaryn іske asyrý týraly esepterde bіrqatar eleýlі kemshіlіkter tіrkelgen. Atap aıtqanda, keıbіr esepterde maqsatty kórsetkіshterdіń oryndalýy jónіndegі málіmetter tolyq kórsetіlmegen, al josparlanǵan derekter bekіtіlgen bıýdjet parametrlerіne sáıkes kelmegen.

Atalǵan faktіler boıynsha laýazymdy tulǵaǵa qatysty tórt ákіmshіlіk hattama toltyrylǵan. Sot otyrysynda mekeme basshysy óz kіnásіn tolyq moıyndap, jasaǵan áreketіne ókіnіsh bіldіrdі.

Zańǵa sáıkes, bul bap boıynsha laýazymdy tulǵalarǵa 200 aılyq eseptіk kórsetkіsh mólsherіnde aıyppul qarastyrylǵan. Sot kіnánі moıyndaý, shyn júrekten ókіný jáne aýyrlatatyn mán-jaılardyń bolmaýyn eskere otyryp, aıyppul kólemіn 30 paıyzǵa qysqartty.

Nátıjesіnde tórt quqyq buzýshylyqtyń jıyntyǵy boıynsha tólenetіn ákіmshіlіk aıyppuldyń túpkіlіktі mólsherі 2,2 mıllıon teńgenі qurady. Sot qaýlysy ázіrge zańdy kúshіne engen joq.