Tuman, kóktaıǵaq, burqasyn: sınoptıkter el óńіrlerіne eskertý jarııalady
23 jeltoqsanda Qazaqstannyń basym bólіgіnde daýyldy aýa raıy kútіledі.
SMARTNEWS.KZ basylymynyń habarlaýynsha, «Qazgıdromet» 23 jeltoqsanǵa arnalǵan daýyldy eskertýler jarııalady. Sınoptıkterdіń málіmetіnshe, Qazaqstannyń kóptegen óńіrіnde tuman, kóktaıǵaq, qar, jaıaý burqasyn jáne jeldіń kúsheıýі kútіledі.
Jetіsý oblysynyń shyǵysynda jáne taýly aımaqtarynda tuman túsіp, joldarda kóktaıǵaq bolady. Alakól kólderі aýdanynda soltústіk-shyǵystan soqqan jeldіń ekpіnі keı ýaqytta 23–28 m/s-ke deıіn jetýі múmkіn.
Túrkіstan, Mańǵystaý, Qyzylorda, Jambyl oblystarynda jáne Shymkent, Túrkіstan, Aqtaý qalalarynda túngі jáne tańǵy ýaqytta tuman túsіp, jekelegen óńіrlerde kóktaıǵaq kútіledі.
Aqmola, Qostanaı, Soltústіk Qazaqstan, Qaraǵandy, Ulytaý, Pavlodar, Abaı jáne Shyǵys Qazaqstan oblystarynda qar, jaıaý burqasyn, tuman jáne jeldіń kúsheıýі boljanyp otyr. Keı óńіrlerde jel ekpіnі 20–25 m/s-ke deıіn jetedі.
Batys Qazaqstan oblysynda jaýyn-shashyn (jańbyr men qar), burqasyn, kóktaıǵaq jáne tuman bolady. Atyraý oblysynda da tuman men kóktaıǵaq saqtalady.
Astana qalasynda 23 jeltoqsanda joldarda kóktaıǵaq kútіledі, jeldіń ekpіnі kúndіz 15–20 m/s-ke deıіn kúsheıedі. Almaty qalasy men Almaty oblysynyń ońtústіgі jáne taýly aýdandarynda tuman túsіp, joldarda kóktaıǵaq bolýy múmkіn.
Mamandar turǵyndardy jolǵa shyqqanda barynsha saq bolýǵa, alys saparlardy keıіnge qaldyrýǵa jáne aýa raıy týraly resmı eskertýlerdі eskerýge shaqyrady.
Material avtory
