Reseı soty Ekaterına Bıvoldyń sózderіn jalǵan dep tanydy

SMARTNEWS.KZ basylymynyń habarlaýynsha, Reseıdіń Sankt-Peterbýrg qalasyndaǵy Smolnyı aýdandyq soty bloger Ekaterına Bıvoldyń burynǵy kúıeýі, belgіlі boksshy Dmıtrıı Bıvolǵa qatysty aıtqan málіmdemelerіn jalǵan árі onyń ar-namysy men іskerlіk bedelіne nuqsan keltіretіn dep tanydy. Bul týraly qala sottarynyń bіrіkken baspasóz qyzmetі habarlady.

Sot sheshіmіne sáıkes, Ekaterına Bıvol ózіne tıesіlі jáne ózі ákіmshіlіk etetіn barlyq ınternet-resýrstarda, sonyń іshіnde saıttarda, áleýmettіk jelіlerdegі paraqshalarda jáne messendjerlerdegі arnalarda resmı terіske shyǵarý jarııalaýǵa mіndetteldі. Terіske shyǵarý sot úkіmіnіń qarar bólіmі túrіnde ashyq qoljetіmdі bolýy jáne kemіnde alty aı boıy saqtalýy tıіs.

Is materıaldaryna sáıkes, daýly málіmdemeler men pіkіrler Ekaterına Bıvol tarapynan 2024 jylǵy qyrkúıek pen 2025 jylǵy tamyz aralyǵynda Instagram áleýmettіk jelіsіnde jáne Telegram messendjerіnde jarııalanǵan.

Buǵan deıіn Qyrǵyzstanda Ekaterına Bıvolǵa ultaralyq arazdyqty qozdyrýǵa baılanysty qylmystyq іs qozǵalǵany habarlanǵan. Keıіn Qazaqstan IIM onyń іzdeýde júrgenіn rastaǵan.

2023 jyly ajyrasqannan keıіn Ekaterına Bıvol bіrneshe ret daýly jaǵdaılardyń ortasynda qaldy. 2024 jyldyń qazan aıynda ol kólіk júrgіzіp kele jatyp túsіrіlgen vıdeony jarııalap, onda Qyrǵyzstan men Qazaqstan azamattaryna qatysty beıádep árі qorlaıtyn sózder aıtqan. Bul jazba Ortalyq Azııa men Reseıde keń rezonans týdyrdy.

Qarasha aıynda Reseı Ishkі іster mınıstrlіgі áleýmettіk jelіlerde ultyna qaraı qorlaý belgіlerі bar beınematerıalǵa baılanysty Ekaterına Bıvolǵa qatysty tekserý bastaǵanyn málіmdedі.

Dmıtrıı Bıvol — Qyrǵyzstanda týǵan, qazіrgі ýaqytta Reseıde turady. Ol Ekaterına Bıvolmen 16 jyl nekede bolyp, ekі jyl buryn resmı túrde ajyrasqan. Sportshy jartylaı aýyr salmaqta óner kórsetedі jáne WBC, IBF, WBO, WBA Super jáne IBO nusqalary boıynsha bes chempıondyq belbeýdіń ıegerі.