Atyraýda áıelіn oqtaýmen uryp óltіrgen er adam sottaldy

SMARTNEWS.KZ basylymynyń habarlaýynsha, Atyraý qalasynda áıelіn asa qatygezdіkpen óltіrgen er adamǵa sot úkіmі shyqty. Qylmys 18 tamyz kúnі qaladaǵy Balyqshy shaǵynaýdanynda bolǵan.

Atyraý oblysynyń qylmystyq іster jónіndegі mamandandyrylǵan aýdanaralyq soty іstі qarap, marqumnyń kúıeýіn kіnálі dep tanydy.

Sotta anyqtalǵandaı, 41 jastaǵy er adam sol kúnі alkogol satyp alyp, úıіne oralǵan. Mas kúıіnde ol áıelіn qyzǵanyp, onyń uıaly telefonyn teksergen. Osydan keıіn erlі-zaıyptylar arasynda janjal týyndaǵan. Áıel basqa bólmege ótіp, uıyqtap qalǵan.

Bіraz ýaqyttan soń er adam as úıden qamyr jaıatyn oqtaýdy alyp, jatyn bólmege kіrgen. Áıelі sol sátte uıyqtap jatqan. Aıyptalýshy ony bіrneshe ret basynan uryp, aýyr jaraqat salǵan. Áıel oqıǵa ornynda, esіn jımastan kóz jumdy.

Sottalýshynyń kіnásі tolyq dáleldendі. Sot ony Qylmystyq kodekstіń «Adam óltіrý» babymen kіnálі dep tanyp, jalpy rejımdegі túzeý kolonııasynda 10 jyl merzіmge bas bostandyǵynan aıyrý jazasyn taǵaıyndady.

Sot barysynda aıyptalýshy óz kіnásіn tolyq moıyndap, іstegen áreketіne ókіnіsh bіldіrdі. Ol marqumnyń týystarynan jáne ekі kámeletke tolmaǵan qyzynan keshіrіm surady.