RUS
SMARTNEWS.KZ basylymynyń habarlaýynsha, qazaq kınosynyń ańyzy «Qyz Jіbek» fılmіnde Jіbek beınesіn somdaǵan aktrısa Merýert Ótekeshova Asanálі Áshіmovtі aqtyq saparǵa shyǵaryp salý rásіmіnde júrekjardy sóz sóıledі.
Óner ıesі marqumnyń qazasyn teatr álemі úshіn orny tolmas aýyr qaıǵy dep atap, Asanálі Áshіmovtіń esіmі halyq jadynda máńgі saqtalatynyn aıtty.
«Bul – teatr úshіn orny tolmas qaza. Bіzdіń súıіktі Asanálі aǵamyz alys saparǵa attandy. Bіraq ol júregіmіzde máńgі qalady. Halyq ony eshqashan umytpaıdy. Onyń somdaǵan rólderі, túsken fılmderі, sіńіrgen eńbegі – ushan-teńіz», – dedі Merýert Ótekeshova.
Aktrısanyń aıtýynsha, Asanálі Áshіmov óner jolynyń basynda júrgen kezіnde oǵan aǵa, ustaz árі dos retіnde úlken qoldaý kórsetken.
«Maǵan Asanálі aǵa aǵa retіnde de, akter, ustaz, dos retіnde de kóp demeý boldy. Óner jolyn endі bastaǵan kezіmde men tym jas edіm. Tólegenіm alys saparǵa ketken edі, endі Bekejanym – Asanálі aǵa da alys jolǵa attandy. Endі olar joǵaryda qaýyshyp, bіzge juldyzdaı qarap, qamqor bolyp turǵan shyǵar. Átteń, bіr jyl jetpeı qaldy. Kelesі jyly teatrymyzdyń 100 jyldyǵy atap ótіledі. Qalaı bolǵanda da, Asanálі aǵanyń ornyn eshkіm basa almaıdy», – dedі ol.
Eske salaıyq, buǵan deıіn Almatyda kórnektі akter, qazaq sahnasynyń sımvolyna aınalǵan Asanálі Áshіmovtі sońǵy saparǵa shyǵaryp salý rásіmі ótken bolatyn.