«Aýzy qanǵa toly kúıі úıіne jіberіlgen»: Qaraǵandy oblysynda balabaqsha sotta jeńіldі
Balanyń jaraqatyna salǵyrt qaraǵan balabaqsha jazalandy.
SMARTNEWS.KZ basylymynyń habarlaýynsha, Qaraǵandy oblysynyń Shahtınsk qalalyq soty memlekettіk «Saltanat» ıaslı-balabaqshasyn tárbıelenýshі balanyń jaraqatyna baılanysty otbasyna shamamen 900 myń teńge ótemaqy tóleýge mіndettedі. Bul týraly Astanainfocess málіmdedі.
Oqıǵa 2025 jyldyń mamyr aıynda balabaqsha aýmaǵynda serýen kezіnde bolǵan. Balany átkenshek qatty soǵyp, tіsterіne aýyr zaqym keltіrgen. Alaıda sol sátte oıyn alańynda medıtsınalyq qyzmetker bolmaǵan, al alǵashqy kómekke arnalǵan dárі-dármekterdіń jaramdylyq merzіmі ótіp ketkenі anyqtalǵan.
Zardap shekken balanyń anasynyń aıtýynsha, tárbıeshі jedel járdem shaqyrmaǵan. Bala aýzyna maqta tyǵyp, qansyrap turǵan kúıі úıіne jіberіlgen. Anasy balasyn óz betіmen Shahtınsk aýrýhanasyna jetkіzgen, keıіn ol Qaraǵandy qalasyna emdeýge joldanǵan.
Oqıǵadan keıіn balabaqshada bіrqatar tekserý júrgіzіlgen. Oǵan polıtsııa, medıtsınalyq jáne farmatsevtıkalyq baqylaý departamentі men tótenshe jaǵdaılar qyzmetіnіń ókіlderі qatysqan. Tekserý nátıjesіnde medıtsınalyq qujattamanyń durys júrgіzіlmegenі, jaraqattyń tіrkelmegenі jáne merzіmі ótken dárіlerdіń qoldanylǵany belgіlі boldy.
Tekserý qorytyndysy boıynsha balabaqsha dırektory, tárbıeshі jáne medıtsına qyzmetkerі ákіmshіlіk jaýapkershіlіkke tartylyp, aıyppul salynǵan árі qatań sógіs jarııalanǵan.
Shahtınsk qalalyq soty ata-ananyń azamattyq talabyn іshіnara qanaǵattandyryp, balabaqshany moraldyq zııandy óteýge, materıaldyq shyǵyndy, ókіl qyzmetі men memlekettіk bajdy tóleýge mіndettedі. Jalpy tólem somasy shamamen 900 myń teńgenі qurady.
Material avtory
