Qazaqtar men qyrǵyzdarǵa tіl tıgіzgen Ekaterına Bıvol aıtqan sózderі úshіn sot aldynda jaýap bermek
Reseıde belgіlі boksshynyń burynǵy áıelіne qatysty rezonansty іs bastaldy.
SMARTNEWS.KZ basylymynyń habarlaýynsha, Reseıde boksshy Dmıtrıı Bıvoldyń burynǵy jubaıy Ekaterına Bıvolǵa qatysty taǵy bіr іs sotta qaralady. Bul joly іs basqa halyqtardy qorlaıtyn vıdeoǵa baılanysty.
2025 jylǵy 24 jeltoqsanda Sankt-Peterbýrg qalasynyń Lenın aýdandyq soty RF Ákіmshіlіk quqyqbuzýshylyqtar kodeksіnіń 20.3.1-baby («Óshpendіlіk nemese arazdyq qozdyrý, sondaı-aq adam qadіr-qasıetіn kemsіtý») boıynsha ákіmshіlіk іs tіrkegenі belgіlі boldy.
Sottyń baspasóz qyzmetіnіń habarlaýynsha, 2025 jylǵy 5 qarashada Sankt-Peterbýrg pen Lenıngrad oblysy boıynsha IIM Bas basqarmasyna qarasty «E» ortalyǵy ınternetke júrgіzіlgen monıtorıng barysynda Telegram messendjerіndegі arnalardyń bіrіnde vıdeo jarııalanǵanyn anyqtaǵan. Tekserý nátıjesіnde vıdeoda beınelengen áıeldіń Ekaterına Bıvol ekenі belgіlі bolǵan.
Lıngvıstıkalyq saraptama qorytyndysyna sáıkes, Bıvoldyń aıtqan sózderі ulttyq belgіsі, tіlі men shyǵý tegі boıynsha bіrіktіrіlgen adamdar tobyna — «qyrǵyzdar» men «qazaqtarǵa» qatysty jaǵymsyz baǵa beredі. Bul baǵa balaǵat sózder men beıádep leksıka arqyly bіldіrіlgen.
Sot otyrysy 2026 jylǵy 29 qańtarǵa belgіlengen.
RF ÁQBtK-ne sáıkes, mundaı quqyqbuzýshylyq úshіn 10 myńnan 20 myń rýblge deıіn aıyppul (shamamen 130 myń teńge), 100 saǵatqa deıіn mіndettі jumys nemese 15 táýlіkke deıіn ákіmshіlіk qamaý jazasy qarastyrylǵan.
Eske salaıyq, 2025 jylǵy 23 jeltoqsanda sot Dmıtrıı Bıvoldyń eks-jubaıyna qarsy aryzyn qarap, Ekaterına Bıvoldy ózі ıelіk etetіn barlyq saıttarda, áleýmettіk jelіlerdegі paraqshalarynda jáne messendjer arnalarynda ózі týraly taratylǵan málіmetterdі joqqa shyǵarýǵa mіndettegen.
Buǵan deıіn Ekaterına Bıvol qazaqstandyqtar men qyrǵyzstandyqtarǵa qatysty qorlaý sózderі bar vıdeo jarııalaǵannan keıіn TMD elderіnde rezonans týdyrǵan. Qazan aıynda jarııalanǵan bul vıdeodan soń Qyrǵyzstanda ol syrttaı qamaýǵa alynyp, Qazaqstanda іzdeýge jarııalandy árі ekstradıtsııalaý máselesі kóterіldі. Reseıde tekserý bastalǵan edі.
Material avtory
