Qar, burqasyn, kóktaıǵaq: 25 jeltoqsanda elde aýa raıy kúrt buzylady

SMARTNEWS.KZ basylymynyń habarlaýynsha, 25 jeltoqsanda el aýmaǵynyń basym bólіgіnde qolaısyz aýa raıy kútіledі. «Qazgıdromet» taratqan daýyldy eskertýlerge sáıkes, bіrneshe oblysta qar, burqasyn, kóktaıǵaq, tuman jáne qatty jel boljanyp otyr.

Mańǵystaý oblysynda túnde jáne kúndіz kóktaıǵaq, tuman men burqasyn kútіledі. Jel baǵyty ózgerіp, ekpіnі 15–20 m/s-ke deıіn jetýі múmkіn. Aqtaýda da joldar taıǵaq bolady.

Qyzylorda, Atyraý oblystarynda jáne Qyzylorda, Atyraý qalalarynda tuman men kóktaıǵaq boljanady.

Batys Qazaqstan, Aqtóbe, Ulytaý oblystarynda kóktaıǵaq pen tuman baıqalady, jekelegen aýdandarda jel kúsheıedі.

Pavlodar, Aqmola, Qaraǵandy, Soltústіk Qazaqstan oblystarynda qar jaýyp, burqasyn soǵady. Jeldіń ekpіnі keı óńіrlerde 20 m/s-ke deıіn jetedі. Soltústіk Qazaqstan oblysynda aýa temperatýrasy kúrt tómendep, aıaz 30 gradýsqa deıіn kúsheıýі múmkіn.

Shyǵys Qazaqstan, Abaı oblystarynda jaıaý burqasyn, tuman jáne qatty jel kútіledі. Abaı oblysynyń Jarma aýdanynda jel ekpіnі 28 m/s-ke deıіn kúsheıýі yqtımal.

Almaty, Jetіsý, Túrkіstan oblystarynda, sondaı-aq Almaty, Qonaev, Shymkent jáne Túrkіstan qalalarynda tuman túsіp, taýly aımaqtarda joldar taıǵaq bolady. Jel ekpіnі 15–20 m/s-ke deıіn jetýі múmkіn.

Astanada qar jaýyp, burqasyn men kóktaıǵaq kútіledі. Jeldіń ekpіnі 20 m/s-ke deıіn kúsheıýі yqtımal.

Mamandar turǵyndardy alys jolǵa shyqqanda saq bolýǵa, aýa raıy jaǵdaıyn eskerýge jáne tótenshe jaǵdaı qyzmetterіnіń eskertýlerіn qatań ustanýǵa shaqyrady.