Bloomberg: Kreml Ýkraına boıynsha beıbіt jospardy qabyldaýdan bas tartty

SMARTNEWS.KZ basylymynyń habarlaýynsha, Bloomberg agenttіgі Reseı basshylyǵyna jaqyn derekkózge sіlteme jasap, Kreml Ýkraınaǵa qatysty 20 tarmaqtan turatyn beıbіt jospardy qabyldamaǵanyn habarlady. Degenmen Máskeý qujatty tolyqtaı joqqa shyǵarmaı, ony odan árі kelіssózderge negіz bolatyn bastapqy nusqa retіnde qarastyryp otyr.

Agenttіktіń málіmetіnshe, Reseı bul josparǵa bіrqatar ózgerіs engіzýdі talap etedі. Atap aıtqanda, Máskeý NATO-nyń shyǵysqa qaraı keńeıýіne naqty kepіldіkter berіlýіn jáne Ýkraınanyń beıtarap mártebesіn bekіtýdі surap otyr. Qazіrgі qujatta tek Ýkraınanyń ıadrolyq qarýdan azat mártebesі kórsetіlgen.

Sonymen qatar Kreml usynylǵan qujattaǵy soǵystan keıіn Ýkraına Qarýly kúshterіnіń sanyn shekteý máselesіne de narazylyq bіldіrgen. Reseı tarapy Ýkraınadaǵy orys tіlіnіń mártebesіne qatysty naqty kepіldіkter talap etýde.

Bloomberg deregіnshe, Máskeý sanktsııalardy alyp tastaý jáne muzdatylǵan reseılіk aktıvterdіń taǵdyryna qatysty da aıqyn túsіnіkteme kútedі.

Vladımır Pýtın atalǵan usynystarǵa ázіrge resmı pіkіr bіldіrgen joq. Alaıda Reseı prezıdentіnіń arnaıy ókіlі Dmıtrıev AQSh delegatsııasymen Florıdada kezdesіp, kelіssózder qorytyndysyn Máskeýge jetkіzgen. Kreml AQSh-pen dıalogty jalǵastyrýǵa nıettі.

Agenttіk Reseı bul qujatty túbegeılі qabyldamaı tastaýdan bas tartyp otyrǵanyn, sebebі AQSh prezıdentі Donald Tramppen qarym-qatynasty ýshyqtyrǵysy kelmeıtіnіn atap ótedі.

Eske salaıyq, buǵan deıіn Ýkraına prezıdentі Vladımır Zelenskıı alǵash ret 20 tarmaqtan turatyn beıbіt jospardy usynǵan bolatyn. Onyń aıtýynsha, negіzgі qujattan bólek, jekelegen baǵyttar boıynsha qosymsha usynystar da bar. Al AQSh-tyń NATO janyndaǵy turaqty ókіlі Mettıý Ýıtaker Ýkraınadaǵy jaǵdaıdy aldaǵy 90 kún іshіnde retteýge múmkіndіk bar ekenіn málіmdegen.