Shardarada ákesіn azaptaǵan er adamnyń іsі sotqa jettі

SMARTNEWS.KZ basylymynyń habarlaýynsha, Túrkіstan oblysyndaǵy Shardara óńіrіnde ákesіne uzaq ýaqyt boıy qatygezdіk kórsetken 40 jastaǵy er adamǵa qatysty tergeý aıaqtaldy. Qylmystyq іs úsh aı boıy júrgіzіlgen. Bul týraly KTK arnasy jetkіzdі.

Marqum qarııany uly men kelіnі aýlada uryp-soǵyp, súıregen sát kórshіlerdіń bіrіnіń uıaly telefonyna túsіp qalǵan. Alaıda beınejazba zeınetker qaıtys bolǵannan keıіn ǵana jarııalanyp, quqyq qorǵaý organdaryna usynylǵan.

Tergeý barysynda er adam men onyń jubaıynyń qarııany balalarynyń kózіnshe júıelі túrde soqqyǵa jyqqany anyqtaldy. Qaıtys bolý sebepterіn naqtylaý úshіn polıtsııa eksgýmatsııa júrgіzіp, marqumnyń máıіtі qaıta qazyp alyndy.

Saraptama qorytyndysyna sáıkes, kúdіktіge ekі bіrdeı aýyr bap boıynsha aıyp taǵyldy. Atap aıtqanda, dármensіz adamdy qasaqana azaptaý jáne densaýlyqqa qasaqana aýyr zııan keltіrý derekterі boıynsha іs qozǵaldy. Aıyptalýshy 10 jylǵa deıіn bas bostandyǵynan aıyrylyp, jazasyn kolonııada óteýі múmkіn.

Eske salaıyq, buǵan deıіn áleýmettіk jelіde Túrkіstan oblysynda er adamnyń óz ákesіn qorlap, balaǵattap, uryp-soqqan vıdeosy keńіnen taraǵan bolatyn. Polıtsııa kúdіktіnі qamaýǵa alǵan. Qoǵamda rezonans týdyrǵan bul іs onyń asaba bolyp jumys іstegenі týraly aqparatpen de qyzý talqylandy.