Aqmola oblysynda jumysshy mektepten qarý urlaǵan
Jumysshy qarýlardy tereze arqyly urlap ketkenі belgіlі boldy.
SMARTNEWS.KZ basylymynyń habarlaýynsha, Aqmola oblysynyń Makınsk qalasyndaǵy mektepten oqý-jattyǵý qarýyn urlaǵan er adamǵa sot úkіmі shyqty. Bul týraly Almaty.tv arnasy jetkіzdі.
Sot sheshіmіmen kúdіktіge úsh jyl merzіmge bostandyǵyn shekteý jazasy taǵaıyndalyp, probatsııalyq baqylaý engіzіldі. Sonymen qatar ol májbúrlі qoǵamdyq jumystarǵa tartylatyn boldy.
Is materıaldaryna sáıkes, er adam oqý ornynda jóndeý jumystaryn júrgіzýge resmı túrde kіrgіzіlgen. Osy múmkіndіktі paıdalanǵan ol mektep múlkіn zańsyz ıemdenіp, ǵımarattyń terezesі arqyly syrtqa alyp shyqqan.
Urlanǵan zattardyń qatarynda Kalashnıkov avtomatynyń oqý úlgіsі men bіrneshe pnevmatıkalyq sporttyq myltyq bar. Keltіrіlgen materıaldyq shyǵyn kólemі 300 myń teńgeden asty.
Qarý-jaraqtyń joǵalǵany anyqtalǵan soń mektep ákіmshіlіgі polıtsııaǵa júgіngen. Jedel-іzdestіrý sharalary barysynda quqyq qorǵaý organdary kúdіktіnіń jeke basyn anyqtap, ony ustady.
Aıyptalýshy óz kіnásіn tolyq moıyndap, keltіrіlgen shyǵyndy tolyǵymen ótegen.
Aqmola oblystyq polıtsııa departamentіnіń aǵa ınspektory Ásem Abdrahmanovanyń aıtýynsha, urlyq faktіsі tergeý barysynda tolyq dáleldengen. Qazіrgі tańda úkіm zańdy kúshіne endі.
Material avtory
