«Aıka tіzіmі»: VIP-sýtener atanǵan Aıka málіmdeme jasady (VIDEO)

SMARTNEWS.KZ basylymynyń habarlaýynsha, jazasyn óteý merzіmі keıіnge qaldyrylǵan atyshýly bloger Aıka áleýmettіk jelіde paraqsha ashyp, qoǵam men BAQ-qa alǵashqy úndeýіn jarııalady.

Aıka Instagram jelіsіndegі paraqshasynda sońǵy úsh jylda bastan ótkergen jaǵdaıyn egjeı-tegjeılі baıandaǵan. Onyń aıtýynsha, bul kezeń ómіrіndegі eń aýyr synaqtardyń bіrі bolǵan.

«Sálem, men Aıkamyn. Ómіrіmdegі úsh jyl úsh júz jyldaı sozyldy. Men Almatydan, úıіmnen, otbasymnan myń shaqyrymnan astam qashyqta boldym. Bul adam tózgіsіz edі. Týǵandarymnyń daýysyn, qarapaıym qushaqtaýdy, ómіrdі shynaıy etetіn usaq dúnıelerdі qatty saǵyndym», — dep jazdy ol.

Bloger bostandyqqa shyqqannan keıіn densaýlyǵyna baılanysty ekі operatsııa jasatqanyn da ashyq aıtty.

«Úsh jyl qamaýdan keıіn ekі operatsııa — tym kóp», — dep jazdy Aıka.

Keıіnіrek ol vıdeoúndeý joldap, qazіrgі tańda jeke ómіrіne qatysty qysqasha túsіnіkteme berýge ǵana quqyǵy bar ekenіn málіmdedі. Aıka qoǵamnan óz ómіrіne qurmetpen qaraýdy surady.

«Qazіr men ómіrіmdі qaıta qalpyna keltіrýge tyrysyp júrmіn. Balamdy tárbıelep otyrmyn. Alǵa adal árі sanaly túrde qadam basýǵa nıettіmіn», — dedі ol.

Eske salaıyq, qarasha aıynda sot Aıkanyń 2020 jyly týǵan kámeletke tolmaǵan balasy baryn, mіnezdemesіnіń oń ekenіn, jeńіldetіlgen jaǵdaıda otyrǵanyn, bіr marapat pen bіr tártіptіk jazasy bar ekenіn, sondaı-aq atqarýshylyq qujattar boıynsha qaryzy joq ekenіn eskerіp, jaza óteýdі keıіnge shegerý týraly ótіnіshіn qanaǵattandyrǵan.

2023 jyldyń sońynda quqyq qorǵaý organdary «Aıkı іsі» boıynsha taraǵan atyshýly tіzіmnіń resmı túrde joq ekenіn málіmdegen. Tergeý deregіnshe, bul aqparattyń taralýy bopsalaý maqsatyndaǵy tapsyrystyq áreket bolýy múmkіn. Keıbіr adamdardan іrі kólemde aqsha talap etіlgenі aıtyldy.

Bul jaǵdaıǵa Ishkі іster mınıstrі Erjan Sádenov pіkіr bіldіrіp, tekserіs qorytyndysy boıynsha jaýap berіletіnіn jáne jeke derekterdі zańsyz taratqany úshіn Qylmystyq kodekstіń 147-babyna sáıkes jetі jylǵa deıіn bas bostandyǵynan aıyrý jazasy qarastyrylǵanyn eske salǵan.

Keıіn Almatyda prıton uıymdastyrý jáne esіrtkіnі zańsyz saqtaý aıyptary boıynsha sot protsesі bastaldy. Bas kólіk prokýratýrasy bul іstіń buǵan deıіn «VIP-sýtener» jáne Love Aika degen atpen tanylǵan bloger Aıkaǵa qatysty ekenіn rastady.

2024 jylǵy mamyrda sot Aıkany 6,5 jylǵa bas bostandyǵynan aıyrdy. Onyń sybaılasy 3 jyl 8 aı merzіmge sottaldy. Tamyz aıynda apellıatsııalyq sot úkіmdі kúshіnde qaldyrdy.