Ázerbaıjan Máskeýdіń sheshіmіne narazylyq bіldіrdі: Reseıde ushaq apatyna qatysty іs jabyldy
Baký joǵary deńgeıdegі kelіsіmderdіń saqtalýyn talap etіp jatyr.
SMARTNEWS.KZ basylymynyń habarlaýynsha, Ázerbaıjan bılіgі AZAL áýe kompanııasynyń ushaǵy Reseı aýmaǵynda apatqa ushyraýyna baılanysty qozǵalǵan qylmystyq іstіń toqtatylýyna narazylyq bіldіrdі. Bul týraly eldіń syrtqy іster mınıstrі Djeıhýn Baıramov Reseı Tergeý komıtetіnіń ustanymyna pіkіr bіldіre otyryp málіmdedі.
Mınıstrdіń aıtýynsha, Baký bul іstіń basqasha órbýіn kútken jáne tergeý memleket basshylary deńgeıіnde qol jetkіzіlgen ýaǵdalastyqtarǵa saı, ashyq árі tolyq aıaqtalady dep úmіttengen. Ol apattan keıіn Reseı prezıdentі Vladımır Pýtınnіń kópshіlіk aldynda keshіrіm suraǵanyn eske salyp, osyǵan sáıkes reseılіk quqyq qorǵaý organdarynan júıelі árі dáıektі qadamdar kútіlgenіn atap óttі.
«Reseı Tergeý komıtetіnіń tóraǵasy Aleksandr Bastrykın joldaǵan qylmystyq іstі toqtatý týraly haty bіzde aıtarlyqtaı túsіnbeýshіlіk týdyrdy. Bіz óz ustanymymyzdy egjeı-tegjeılі jetkіzdіk jáne protsestіń memleket basshylary deńgeıіnde jasalǵan kelіsіmderge saı aıaqtalýyn kútemіz», — dedі Djeıhýn Baıramov.
Ázerbaıjannyń syrtqy saıasat vedomstvosynyń basshysy Aqtaý mańynda bolǵan áýe apatynyń barlyq mán-jaıy obektıvtі árі jan-jaqty zerttelýі tıіs degen talaptyń ózgermeıtіnіn aıtty. Baký reseılіk taraptan naqty árі túsіnіktі qadamdar kútetіnіn de ashyq jetkіzdі.
Buǵan deıіn Reseı Tergeý komıtetі atalǵan apat faktіsі boıynsha qozǵalǵan qylmystyq іstі toqtatý jónіnde sheshіm qabyldaǵany habarlanǵan. Bul sheshіm Ázerbaıjanda rezonans týdyryp, resmı Bakýdіń qatań reaktsııasyna sebep boldy.
Material avtory
