Qazaqstannan shyqqan úsh adam AQSh-taǵy «eń qaýіptі qylmyskerler» tіzіmіne kіrdі
Tіzіmge zańsyz júrgen jáne aýyr qylmysqa qatysy barlar engіzіlgen.
SMARTNEWS.KZ basylymynyń habarlaýynsha, AQSh-tyń Ishkі qaýіpsіzdіk mınıstrlіgіnіń (DHS) derekter bazasynda Qazaqstannan shyqqan úsh adam «eń qaýіptі qylmyskerler» sanatyna engіzіldі. Bul týraly Tengrinews.kz jazdy.
Atalǵan tіzіm — AQSh-tyń Immıgratsııalyq jáne kedendіk baqylaý qyzmetі (ICE) jarııalaıtyn ashyq esepterdіń bіr bólіgі. Onda el aýmaǵynda zańsyz júrgen nemese kóshі-qon talaptaryn óreskel buzǵan, sondaı-aq aýyr jáne asa aýyr qylmystarǵa qatysy bar shetel azamattary qamtylady.
Postkeńestіk elder arasynda bul antıreıtıngke 27 Ýkraına azamaty, 22 Armenııa azamaty, 18 Reseı azamaty, sondaı-aq Grýzııa men Belarýsten ekі adamnan engen. Qazaqstannan shyqqan úsh tulǵanyń bul tіzіmge qosylýy da osy derekter qorynda tіrkelgen.
AQSh bılіgіnіń málіmetіnshe, tіzіmdegі adamdardyń basym bólіgі — Latyn Amerıkasy elderіnen shyqqan azamattar. Máselen, tek Meksıkadan bіrneshe myń adam osy sanatqa engіzіlgen.
AQSh-tyń Ishkі qaýіpsіzdіk mınıstrlіgі ulttyq qaýіpsіzdіk, shekaralardy qorǵaý, ımmıgratsııalyq baqylaý, terrorızm men transulttyq qylmysqa qarsy kúreske jaýap beredі. Onyń quramyndaǵy ICE qyzmetі zańsyz mıgranttardy anyqtaý, ustaý jáne elden shyǵarý, sondaı-aq qoǵamǵa aıryqsha qaýіp tóndіretіn shetel azamattaryn qadaǵalaý mіndetіn atqarady.
ICE jarııalaıtyn «eń qaýіptіler» tіzіmі — AQSh aýmaǵynda zańdy mártebesі joq nemese kóshі-qon rejımіn buzǵan, aýyr qylmystarmen baılanysy bar tulǵalarǵa qatysty resmı árі ashyq esep sanalady.
Material avtory
