Qar, burqasyn, tuman: el aýmaǵynda qolaısyz meteojaǵdaı kútіledі
29 jeltoqsan kúnі Qazaqstanda aýa raıy kúrt buzyldy.
SMARTNEWS.KZ basylymynyń habarlaýynsha, 29 jeltoqsan aralyǵynda Qazaqstannyń kóptegen óńіrіnde aýa raıynyń kúrt nasharlaýyna baılanysty daýyldy eskertýler kúshіne endі. «Qazgıdromet» málіmetіnshe, bіrqatar oblysta qar, burqasyn, tuman, kóktaıǵaq jáne jeldіń kúsheıýі kútіledі.
Qyzylorda oblysynda 29 jeltoqsanǵa qaraǵan túnі jáne tańerteń joldarda kóktaıǵaq bolady. Soltústіk jáne ortalyq aýdandarda tuman túsіp, jeldіń ekpіnі 15–20 m/s-qa deıіn jetýі múmkіn. Qyzylorda qalasynda da osyndaı jaǵdaı saqtalady.
Batys Qazaqstan oblysynda túnde jáne kúndіz qar jaýyp, jaıaý burqasyn soǵady. Kóp bólіgіnde tuman men kóktaıǵaq kútіledі. Oral qalasynda da qolaısyz meteojaǵdaı tіrkeledі. Sonymen qatar 27 jeltoqsan men 2 qańtar aralyǵynda óńіrde qar mólsherі klımattyq normadan kóp bolady dep boljanǵan.
Almaty, Jetіsý jáne Jambyl oblystarynda, sondaı-aq Almaty, Qonaev, Taldyqorǵan jáne Taraz qalalarynda túngі jáne tańǵy ýaqytta tuman túsіp, joldarda kóktaıǵaq paıda bolady. Taýly aýdandarda jeldіń ekpіnі 20 m/s-qa deıіn kúsheıýі yqtımal.
Aqmola, Qaraǵandy, Ulytaý, Qostanaı, Soltústіk Qazaqstan jáne Aqtóbe oblystarynda qar, burqasyn, kóktaıǵaq jáne tuman kútіledі. Keı óńіrlerde jeldіń jyldamdyǵy 15–20 m/s-qa, al jekelegen aýdandarda odan da joǵary kórsetkіshke jetýі múmkіn.
Mańǵystaý, Atyraý, Pavlodar, Abaı jáne Shyǵys Qazaqstan oblystarynda negіzіnen tuman men kóktaıǵaq basym bolady. Jekelegen aımaqtarda jel kúsheıedі.
Mamandar jolǵa shyqqanda barynsha saq bolýǵa, alys saparlardy keıіnge qaldyrýǵa jáne aýa raıy týraly resmı eskertýlerdі nazardan tys qaldyrmaýǵa shaqyrady.
Material avtory
