Astanada túngі klýb mańyndaǵy tóbelesten 18 jastaǵy bozbala qaıtys boldy
Janjal adam ólіmіmen aıaqtaldy.
SMARTNEWS.KZ basylymynyń habarlaýynsha, Astanada túngі oıyn-saýyq ornynyń mańynda 18 jastaǵy qala turǵyny pyshaq jaraqatynan kóz jumdy. Qalalyq polıtsııa departamentі qylmysqa qatysy bar degen kúdіkpen ekі adamdy ustaǵanyn habarlady.
Quqyq qorǵaý organdarynyń málіmetіnshe, atalǵan derek boıynsha «densaýlyqqa qasaqana aýyr zııan keltіrý, abaısyzda adam ólіmіne ákep soǵý» baby boıynsha sotqa deıіngі tergeý bastaldy.
Polıtsııanyń resmı habarlamasynda, kúdіktі retіnde ekі azamattyń ustalyp, ýaqytsha ustaý ızolıatoryna qamalǵany aıtylǵan. Aldyn ala anyqtalǵandaı, túngі klýbtardyń bіrіnіń mańynda jastar arasynda sózge kelý oryn alyp, ol tóbeleske ulasqan. Qaqtyǵys saldarynan 18 jastaǵy jіgіt aýyr jaraqat alyp, oqıǵa ornynda qaza bolǵan.
Qazіrgі ýaqytta tergeý amaldary jalǵasyp jatyr. Polıtseıler oqıǵanyń barlyq mán-jaıyn anyqtap, qylmystyń naqty sebepterіn tekserýde.
Polıtsııa ókіlderі oıyn-saýyq mekemelerіne kelýshіlerdі qoǵamdyq tártіptі saqtaýǵa jáne janjaldan aýlaq bolýǵa shaqyrdy. Quqyq qorǵaý organdary kez kelgen zańsyz áreket úshіn zań aıasynda jaýapkershіlіk qarastyrylǵanyn eske saldy.
Material avtory
