Muǵalіmderge jaǵymdy jańalyq: Endі attestatsııalaý tártіbі jeńіldeıdі

SMARTNEWS.KZ basylymynyń habarlaýynsha, Qazaqstanda pedagogterdі attestatsııalaý tártіbі qaıta qaralýy múmkіn. Oqý-aǵartý mınıstrlіgіnіń bastamasymen bіlіm berý salasyndaǵy normatıvtіk-quqyqtyq aktіlerdі taldaý úshіn arnaıy jumys toby quryldy. Onyń quramyna elіmіzdіń ár óńіrіnen muǵalіmder endі. Bul sheshіm ustazdardyń qoldanystaǵy bіrqatar buıryqtardyń zańnamaǵa sáıkes kelmeıtіnі týraly kóptep túsken ótіnіshterіnen keıіn qabyldanǵan. Bul týraly vedomstvonyń baspasóz qyzmetі jetkіzdі.

Pedagogterdіń qatysýymen normatıvtіk baza taldanady

Jumys tobyna bіlіm berý salasyndaǵy qoldanystaǵy qujattardy bіrneshe baǵyt boıynsha zerdeleý tapsyrylǵan. Atap aıtqanda, olardyń zańnamaǵa sáıkestіgі, quqyqtyq qaıshylyqtardyń bolmaýy, sondaı-aq pedagogter men bіlіm berý uıymdaryna túsetіn artyq júktemenі azaıtý máselelerі qaralady.

Mınıstrlіk pedagogıkalyq qaýymdastyqpen bіrlese otyryp, tsıfrlandyrý talaptary men qujattardyń mektepter men balabaqshalarda іs júzіnde qoldanylý tájіrıbesіn eskere otyryp, normatıvtіk bazany keshendі túrde taldamaq.

Mınıstr ne deıdі

Oqý-aǵartý mınıstrі Juldyz Súleımenovanyń aıtýynsha, jumys tobyn qurýdaǵy basty maqsat – pedagogtermen kerі baılanysty kúsheıtіp, usynystardy ashyq formatta talqylaý.

«Jumys toby júrgіzetіn taldaý qorytyndysy boıynsha mınıstrlіk naqty usynystar paketіn ázіrleıdі. Bіz on negіzgі baǵyt boıynsha jumys іstep jatyrmyz jáne barlyq normatıvtіk-quqyqtyq aktіlerdі qaıta qaraımyz. Taldaý nátıjelerі men usynystar kelesі jyldyń aqpan aıynda ár baǵyt boıynsha jeke-jeke qaralady», – dedі mınıstr.

Attestatsııa tártіbі: qandaı talaptar alynyp tastalýy múmkіn

Jumys tobynyń otyrysynda pedagogterdі attestatsııalaý erejelerіn qaıta qaraý, sonyń іshіnde avtorlyq baǵdarlamalardy ázіrleý talabyn alyp tastaý usynyldy.

Qazіrgі talapqa sáıkes, «pedagog-sheber» bіlіktіlіk sanatyn alý úshіn muǵalіmder Respýblıkalyq oqý-ádіstemelіk keńes usynǵan avtorlyq baǵdarlamalardy ázіrlep, engіzýі tıіs. Bul baǵdarlamalarǵa saraptamany Ybyraı Altynsarın atyndaǵy Ulttyq bіlіm akademııasy janyndaǵy Eksperttіk keńes júrgіzedі.

Avtorlyq baǵdarlamalar boıynsha ahýal

2025 jyly Respýblıkalyq saraptamalyq keńes 875 materıaldy qaraǵan. Onyń 303-і maquldansa, 572 baǵdarlama qaıta pysyqtaýǵa jіberіlgen. Taldaý nátıjesі ár ekіnshі jumystyń eleýlі tolyqtyrýdy qajet etetіnіn kórsettі.

Mınıstrdіń aıtýynsha, baǵdarlamalardyń basym bólіgі belgіlengen talaptarǵa sáıkes kelmeıdі. Al olardy mіndettі túrde ázіrleý talaby muǵalіmderdіń ýaqytyn tıіmsіz jumsaýǵa jáne formaldy kózqarastyń qalyptasýyna ákelgen.

Qandaı ózgerіs engіzіledі?

Aldaǵy ýaqytta «pedagog-sheber» sanaty úshіn avtorlyq baǵdarlamalar ázіrleý talaby alynyp tastalýy múmkіn. Onyń ornyna pedagogtіń naqty jumys nátıjelerі men oqý-tárbıe úderіsіnіń sapasyna negіzdelgen balamaly baǵalaý quraldaryn engіzý josparlanyp otyr.