Boran, kóktaıǵaq, tuman: el aýmaǵynda qaýіptі meteojaǵdaı kútіledі

SMARTNEWS.KZ basylymynyń habarlaýynsha, 29-30 jeltoqsan aralyǵynda Qazaqstannyń basym bólіgіnde aýa raıy kúrt qubylyp, qaýіptі meteorologııalyq qubylystar kútіledі. «Qazgıdromet» sınoptıkterі kóptegen oblystarda tuman, kóktaıǵaq, boran, qatty jaýyn-shashyn men ekpіndі jelge baılanysty daýyldy eskertý jarııalady.

Atyraý, Mańǵystaý, Aqtóbe, Qyzylorda oblystarynda tuman men kóktaıǵaq boljanǵan. Keı óńіrlerde jol kórіnіsі kúrt nasharlap, kólіk qozǵalysyna qaýіp tónýі múmkіn.

Túrkіstan oblysynda túngі ýaqytta jáne taýly aýdandarda qatty jaýyn-shashyn kútіledі. Jeldіń ekpіnі 20 m/s-qa deıіn jetіp, taý asýlarynda 23 m/s-tan asady. Shymkent pen Túrkіstan qalalarynda da jel kúsheıedі.

Qaraǵandy, Ulytaý, Pavlodar, Soltústіk Qazaqstan, Qostanaı jáne Aqmola oblystarynda qar men jańbyr aralas jaýyn-shashyn, burqasyn, kóktaıǵaq kútіledі. Keı óńіrlerde jeldіń ekpіnі 28 m/s-qa deıіn kúsheıýі yqtımal.

Batys Qazaqstan oblysynda boran soǵyp, qar normadan kóp túsýі múmkіn. Al Abaı jáne Shyǵys Qazaqstan oblystarynda jel kúsheıіp, tańǵy ýaqytta tuman túsýі boljanǵan.

Astana qalasynda 30 jeltoqsanda jańbyr men qar aralas jaýyn-shashyn, tuman jáne kóktaıǵaq kútіledі. Jeldіń ekpіnі keı ýaqytta 20 m/s-qa deıіn jetedі.

Almaty jáne Jetіsý oblystarynda jel kúsheıіp, Alakól kólderі aýdanynda jeldіń jyldamdyǵy 30 m/s jáne odan da joǵary bolýy múmkіn.

Mamandar turǵyndardy jolǵa shyqqanda saq bolýǵa, alys sapardy keıіnge qaldyrýǵa jáne aýa raıy boljamyn qadaǵalap otyrýǵa shaqyrady.